Presentemos una riestra d’entrugues al respeutu al traviés de EHbildu, los nuesos socios de coalición en Los Pueblos Deciden.
Énte la intolerable situación na que s’atopa’l serviciu de FEVE nel nuesu país, que ta llevando a escalar el mentáu serviciu de tresporte públicu, no qu’atalntamos ye un procesu de abandonu del mesmu que va implicar la privatización de los percorríos rentables y el desdexamientu del restu, cola consiguiente desconexón territorial del nuesu país.
Concretamente, y como recoyeron estremaos medios de comunicación “el 60% de les cancelaciones de trenes de FEVE en tola so rede prodúcense n’Asturies, según datos del comité d’empresa.» Según estos medios, en 2016, les supresiones fueron cuasique 2.000 de les 3.500 que se produxeron en tola cornisa cantábrica. Too ello vendríe motivao pola falta de caltenimientu de la maquinaria, que na so mayoría tien más de 20 años.
Por cuenta de ello, Andecha Ástur, faciéndose ecu de les solicitúes rializaes polos trabayaores reclamó un plan de modernización p’Asturies y la reparación del material.
Por tou ello, les entrugues rializaes fueron:
1.- ¿Cuántes fueron les supresiones de trenes de FEVE demientres los postreros 5 años n’Asturies y por qué motivu se produxo cauna?
2.- ¿Qué midíes punxo en marcha’l Gobiernu p’amenorgar les averíes nes maquinas o nes infraestructures?
3.- ¿Qué midíes va tomar el Gobiernu, pa que l’estáu de los trenes y les maquinaries nun puedan causar dalgún accidente con graves consecuencies nos pasaxeros y trabayaores?
4.-¿Cuálos son les meyores previstes que se van rializar na rede ferroviaria y nos trenes ?
