Inicio > Xunión Europea > Aconceyamientu con dellegación de Sortu
Xunión Europea

Aconceyamientu con dellegación de Sortu

Los responsables d’Internacional de Sortu, Pernando Barrena y Niko Moreno, aconceyaron ayeri  con Andecha Astur pa tratar temes d’actualidá como la situación xenerada pol procesu soberanista catalán, el prósimu congresu de EH Bildu, la situación del procesu de paz vascu o l’actividá de  la representación de “Los Pueblos Deciden” na Xunión Europea.

L’aconceyamientu, que tuvo llugar nel llocal d’Andecha Astur n’Uviéu, resultó enforma positivu y les dos partes tovieron ocasión  d’intercambiar información y valoraciones sobro les diferentes rialidaes que se viven nos nuesos respeutivos países, y les llinies polítiques que se siguen nesti momentu.

Acullá del avezáu bon entendimientu ente les  respeutives organizaciones, el aconceyamientu d’ayeri foi especialmente interesante pol analís de la situación que se vive a nivel estatal y la percepción de los cambios que se producirán aína, motivu pol que se fai más que preciso meyorar la nuesa cadarma organizativa y la capacidá d’incidencia social pa conseguir qu’Asturies seya quien a aprofitar esta situación.

La presencia d’Asturies nel panorma internacional gracies al llabor desendolcáu dende Andecha Astur permite non solo que seyamos conocíos y reconocíos como nación diferenciada nel tarrén internacional, sinon la posibilidá d’intercambiar esperiencies y caltener rellaciones isolidaries que siempres son precises nun contestu de reivindicación nacional y social como’l que defendemos.

Deja una respuesta

Tu dirección de correo electrónico no será publicada. Los campos obligatorios están marcados con *