Inicio > Asturies > Homenaxe y Reivindicación na comemoración de la Declaración de Soberanía
Asturies

Homenaxe y Reivindicación na comemoración de la Declaración de Soberanía

L’actu comemorativu de la Declaración de Soberanía del Conseyu d’Asturies y Llión xunció l’homenaxe cola reivindicación nuna xornada na que tamién hebio participación llionesa.

Na cellebración fecha por Andecha Astur del 80 aniversariu de la hestórica declaración pola que’l Conseyu d’Asturies y Llión proclamábase Soberanu ya independizábase a tolos efeutos de la República Española hebio un sentíu homenaxe pa los protagonistes d’esos fechos hestóricos y un repasu al llabor del propiu Conseyu Soberanu, que «costitúise en Conseyu Soberanu de gobiernu tol territoriu de la so xurisdición y a elli queden dafechamente sometíes toles xurisdiciones y muerganismos civiles y militares que foncionen o vaigan foncionar de secute dientru’l mentáu territoriu.» asumiendo la defensa’l nuesu país frente al facismu, tomando midíes pa que la nuesa nación fora reconocía a nivel internacional como Estáu de plenu drechu (empobinándose a la Sociedá de Naciones, precursora de la ONU) y entamando una auténtica revolución, too ello ensin  reclamar nin cuntar cola aprebación de la República española -responsable de la xabaz represión d’ochobre’34-, que llegó a considerar un alliviu l’acupación d’Asturies poles tropes facistes.

Ello asina, na intervención política reivindicóse’l Conseyu Soberanu como la única istitución que representa Asturies, darréu que l’estatutu d’autonomía que carecemos, y la propia denominación de «Principado» pa la nuesa nación, foi impuesta dende Madrid, ensin que los asturianos, a diferiencia d’andaluces, gallegos, vascos, catalanes…. pudiéremos pronunciamos democráticamente sobro la mesma, denunciando como la falsa transición política cola que continuó’l franquismu non solo nun permitió recuperar esta auténtica istitución d’autogobiernu, sinon qu’impunxo un “Principado” y un Estatutu descontestualizáu hestoricamente y sociolóxicamente ayenu a la sociedá asturiana, que nun supón más qu’una curtia descentralización alministrativa, condergándomos asina a la situación de colonialismu que carecemos anguañu.

Asina mesmo, y acontando’l papel de la izquierda española n’Asturies, qu’asumió y asume l’agresión a la dignidá y la soberanía asturiana que supón el “Principado” impuestu, Andecha Astur reclamó’l Conseyu Soberanu como la última istitución democrática del Pueblu Asturianu, y la soberanía como un drechu inrenunciable imprescindible p’afitar el nuesu futuru como Pueblu.

Esti añu l’actu comemorativu cuntó tamién con presencia llionesa, lo que lu fexo especialmente prestosu, apuntándose la posibilidá de que la capital llionesa, en procesu de revisión de les sos réplicas de rolex cais, camudara’l nome de l’anguaño avenida Fernández Ladreda, -nel puntu mira pola Llei de Memória hestórico- pol de Conseyu Soberanu.

Al actu asisitieron tamién corresponsales del diariu enredando.info, a quien se-yos deben les semeyes, y que recoyeron l’eventu nes sos páxines

Deja una respuesta

Tu dirección de correo electrónico no será publicada. Los campos obligatorios están marcados con *