Inicio > Asturies > Conceyu Nacional #YeAsturies
Asturies

Conceyu Nacional #YeAsturies

Andecha Astur cellebra esti sábadu un Conceyu Nacional d’especial trescendencia nel que se renovarán los cargos de direición, la llinia política, el programa elleutoral pa les elleiciones del prósimu mes de mayu y la participación na coalición europea “Agora Repúbliques”

El Conceyu Nacional, baxo’l llema, #YeAsturies, que se cellebrará esti sábadu 26 de xineru na Sala Conferencies del Antiguu Istitutu Xovellanos (Xixón), va ser d’especial trescendencia pa la organización, darréu que non solo van renovase los miembros de la Xunta Executiva y escoyer al prósimu Secretariu/a Xeneral, sinon que va procedese a una perimportante renovación estatutaria pa garantizar entá más el furrulamientu democráticu y tresparente de la organización, p’ameyorar los drechos de la militancia y pa facilitar la participación de la emigración asturiana.

Arriendes d’ello, tamién se procederá a aprebar la llinia política pa los prósimos años, daqué imprescindible non solo pola necesidá d’afayase a los postreros cambios políticos, sinon porque nel procesu de xorrecimientu militante de la organización faise preciso un esfuerciu suplementariu pa da-y puxu a la nuesa presencia social y garantizar la pluralidá interna alrodiu d’unos puntos mínimos que ye carauterística fundamental d’Andecha Astur.

Asina mesmo, marcaránse les pautes a siguir pa les prósimes convocatories elleutorales, presentaráse pa la so aprebación el programa elleutoral, la participación na coalición europea “Agora Repúbliques”, entamada por ERC, EH Bildu y BNG como continuación de “Los Pueblos Deciden” de la que yá formamos parte; y perfilaránse les prósimes candidatures nes trés convocatories: europea, nacional y de conceyu.

Deja una respuesta

Tu dirección de correo electrónico no será publicada. Los campos obligatorios están marcados con *