Inicio > Asturies > Estes elleiciones tienen de ser el principiu del fin del sucursalismu
AsturiesPortada

Estes elleiciones tienen de ser el principiu del fin del sucursalismu

Nel primer actu de la campaña elleutoral, Llucía Fernández fexo un llamamientu al conxuntu del soberanismu/asturianismu pa xuncir esfuercios nun proyeutu común que seya quien a torgar al sucursalismu qu’impera n’Asturies.

Na so intervención fexo un llamamientu a los asturianos y asturianes con concenxa nacional que se rindieron al posibilismu de formaciones sucursalistes, a que recuperen la dignidá y faigan un “apueste firme na defensa d’un proyeutu políticu creyible pa la sociedá asturiana, que seya la ferramienta afayaíza en defensa de los drechos nacionales y colleutivos del pueblu asturianu”.

Nesi sen destacó que “estes elleiciones tienen de ser el principiu del fin del sucursalismu español n’Asturies na midía qu’ente toes seyamos quien a algamar unos puntos mínimos comunes que permitan aniciar esi frente ampliu que mos ta desixendo la sociedá asturiana”, amestando que nun pue permitise que n’Asturies campe’l sucursalismu más servil a les órdenes de Madrid, porque “yá sabemos qu’acullá de los intereses presonales, eso nun val más que p’afondar nel retrocesu económicu y social al que tan llevando a Asturies. Fasta agora’l soberanismu / asturianismu vien demostrando que sabe dividir perbien, dende estes elleiciones dexaremos nidio que tamién sabemos sumar y multiplicar”

Deja un comentario

Tu dirección de correo electrónico no será publicada. Los campos obligatorios están marcados con *