Inicio > Asturies > La Xunta Elleutoral Central afonda na represión llingüística
AsturiesLlingua AsturianaPortada

La Xunta Elleutoral Central afonda na represión llingüística

ANDECHA ASTUR recurrirá énte’l Tribunal Supremu la resolución que ñega’l drechu a dirixise n’asturianu a la Xunta Elleutoral Provincial

VER RESOLUCIÓN DE LA XEC

El determín de la Xunta Elleutoral Central –XEC- de dar por válidu l’alcuerdu de la Xunta Elleutoral Provincial ñegándose a almitir un escritu por tar n’asturianu –pesia llevar 19 años almitiéndolos- supón un reblagu más nel procesu de represión llingüística que carecemos nel nuesu país, y espeya l’antidemocrática situación d’indefensión na que mos afayamos los asturianos que decidimos emplegar la nuesa llingua.

Lo curioso ye que la XEC non ñega’l drechu a presentar les candidatures n’asturianu nin al votu n’asturianu, sinon a dirixise a la Xunta Elleutoral Provincial n’asturianu -a siguir dirixéndose en rialidá, porque ANDECHA ASTUR usa namás l’asturianu nos sos escritos y comunicaos-, drechu que ganemos nel Tribunal Costituciona nel 2.000, pero xustifica la represión llingüística pola non oficialidá de la llingua asturiana y especialmente porque l’escritu “su extensión y objeto no permite su fácil comprensión por los vocales de la Junta Electoral Provincial de Asturias».

Como nun pue ser d’otra miente, ANDECHA ASTUR recurrirá esti determín ente’l Tribunal Supremu, pero nun pue dexar d’entrugase ónde ta la coherencia de los partíos políticos que dicen defender la oficialidá del asturianu y, nin la usen nes sos rellaciones coles istituciones, nin aprofiten el drechu a sacar papeletes n’asturianu, y que guarden un silenciu cómpliz énte lo que ye un inxustificable casu de represión llingüística.

One thought on “La Xunta Elleutoral Central afonda na represión llingüística

  1. Valeriano Gil Rodríguez Álvarez

    Mi propuesta como asturiano y viviendo en Catalunya es que desde Asturies y sobre todo los partidos de izquierdes haya un mayos apoyo al proceso independentista catalàn.
    Suerte en las próximas elecciones. Tendréis mi voto.

Deja una respuesta

Tu dirección de correo electrónico no será publicada. Los campos obligatorios están marcados con *