Homenaxe en Larrabetzu a los milicianos asturianos

Andecha Astur participará nel Actu d’Homenaxe a los milicianos asturianos y los gudaris vascos que cayeron en combate escontra’l facismu.

L’actu tendrá llugar esti sábadu 22 y entamará a les 12.30 na Plaza de Larrabetzu, siendo la parte más emotiva del homenaxe la visita a la fuexa común (llocalizada gracies a la confesión póstuma d’un vecín) na viesca de Bolumburu onde s’enterraron los cuerpos de más de 130 asturianos defensores de la ciudá.

Asturies mandó a Euskal Herria a cerca de venti mil homes y muyeres pente abril y xunu de 1937, de los que centenares cayeron na defensa de Bilbao. A defender Larrabetzu  acudió’l batallón Mateotti, de Sama -Llangréu-, y los sos integrantes tienen reconocío pol ayuntamientu Larrabetzu la consideranza de «Ciudadanos d’honor», n’agradecimientu al so valor.

Esti añu, esi actu tendrá tamién una especial alcordanza pa Nieves, republicana asturiana, comunista… que siempre mos acompañó nesti eventu y que desgraciadamente finó va pa un añu, pero cuyu espíritu tamién tará con nós.