• L’ámbetu estatal desnaturaliza la rialidá asturiana y los sindicatos convocantes tán desacreditaos dafechu pola so responsabilidá na destruición del texíu económico asturianu y el so servilismu a Madrid.

• Llama a la convocatoria d’una fuelga xeneral d’ámbetu nacional asturianu.

Andecha Astur decidió dar un sofitu críticu a la fuelga xeneral convocada pal viniente 14 P al atalantar que les postreres midíes adoptaes pol gobiernu español suponen una agresión ensin precedentes a los drechos sociales de la ciudadanía dientru d’una dinámica de perda xeneralizada de drechos y llibertaes sociales.

L'actu d'homenaxe a la Revolución Asturiana d'ochobre'l 34 escenificáu na tumba del Presidente Belarmino Tomás, finó col compromisu d'Andecha Astur de continuar na llucha pola independencia y el socialismu fieles al postrer mandatu del Conseyu Soberanu. Equí nun se rinde naide "Nun hai rezaga, too ye frente"'

 Emotivu comu nun podía ser d'otra miente cuandu se trata de homenaxear y reconocer l'heroicu comportamientu del Pueblu Asturianu na so llucha pola independencia y el socialismu frente a la República Española nel 34 y frente al exércitu franquista dempues, l'actu cellebráu por Andecha Astur énte la tumba de Belarmino Tomás foi especialmente duru cuandu analizó la derrota d'un procesu revolucionariu dos vegaes torgáu a sangre y fueu polos españoles, pero qu'enxamás nun debiera dase por vencíu´.

La organización xuvenil d'izquierda soberanista DARRÉU entama un añu más n'ochobre el Día de la Mocedá Revolucionario, qu'esti añu sedrá na ciudá d'Uviéu. El día escoyíu pa la cellebración del DMR'12 ye'l sábadu 13 d'ochobre. El llema d'esta edición ye bien claro: "Nin capitalismu, nin Estáu Español: La mocedá pol socialismu y la soberanía d'Asturies".

Los actos centrales del Día de la Mocedá Revolucionario 2012 van desendolcase nel Parque San Pedro los Arcos, onde ta asitiáu'l monolítu d'homenaxe a Aida la Fuente. El DMR'12 entamará a les 13:00 hores d'esti sábadu, con una concentración a mou d'homenaxe a tolxs revolucionarios de la Comuña Asturiana. Nesti homenaxe, al rodiu'l monolitu en memoria d'Aida la Fuente, queremos dignificar la memoria del Pueblu Asturianu y la so fazaña revolucionaria.

Depués d'esti homenaxe, alredor de les 13:30 hores Darréu fadrá'l so actu políticu central nesti DMR'12. A esta hora Darréu espresará la so posición énte la situación d'anguañu n'Asturies, centrándonos enforma na mocedá. Como cada añu'l DMR ye tamién un día d'espresión político pa la mocedá soberanista y revolucionario de l'Asturies d'anguañu. Poro, queremos qu'esti actu políticu tea esa significación, conscientes de la situación pergrave que vive'l país y el Pueblu Trabayador, sobre manera los más mozos y moces.

Esti prósimu vienres 12 d'ochobre, Andecha Astur entama un actu d'homenaxe a los revolucionarios asturianos de 1934, na figura de Belarmino Tomás.

Un añu más Andecha Astur homenaxea la Revolución Asturiana d'Ochobre'34  y a los sos protagonistes nun actu homenaxe al que fuere presidente del tercer comité revolucionariu que pautó la rendición énte l'Exércitu de la República Española; y del Conseyu Soberanu d'Asturies y Lleón fasta'l so aplastamientu militar n'ochobre del 37.Belarmino Tomás presonifica la llucha del Pueblu Trabayaor Asturianu cuya llucha pola llibertá y el socialismu namás que la represión militar  del Exércitu español, primero de la República y llueu del franquismu pudieron pone-y torgues. 

Un díi d'homanaxe y alcordanza al Presidente Belarmino y a los revolucionarios que se cellebra nel Cementeriu de Pando (Llangréu), de magar  les 13:00 hores, y que se contrapón al "Día de la hispanidá" cola vindicación de soberanía y socialismu.

El Secretariu Xeneral d'Andecha Astur vien d'entrevistase col Diputáu d'Esquerra Republicana de Catalunya, Joan Tardá.

Arturu Xosé Bermeyu, Secretariu Xeneral d'Andecha Astur, entrevistóse nel díi de güei col Diputáu d'Esquerra Republicana de Catalunya Joan Tardá, aprofitando la so presencia n'Asturies pa recoyer el gallardón "Pozu Fortuna" en Turón.

Demientres la entrevista repasárense estremaos aspeutos de la rialidá de dambes naciones y valorárense les postreres actuaciones del gobiernu central y la forma na que van afeutamos, non solo nel tarrén nacional, sinon especialmente social.

Lleer más...