Énte’l pieslle de la fábrica de Chupa Chups en Villamayor (Piloña), anunciáu pola empresa propietaria de la mesma (la multinacional italo-holandesa Perfetti Van Melle) pal prósimu 1 de setiembre, la organización política Andecha Astur quier treslladar públicamente a los y les trabayadores de la mesma la so solidariedá, asina comu la so dimposición de sofitar toes aquelles movilizaciones qu’entamen pa la defensa de los sos puestos de trabayu.

Pa esta organización política la perda de 120 puestos de trabayu fixos, a los qu’hai d’amestar otros 180 temporales n’époques de mayor producción, supón un auténticu escalabru llaboral, económicu y social nun sólo pal conceyu Piloña (nel que la falta d’espectatives llaborales, xunío al avieyamientu de la vecindá, ta faciendo que quede despobláu dafechu), sinón tamién pa la fastera centru-oriental del país, d’au proceden munchos de los trabayadores de la fábrica piloñesa.

Andecha Astur cellebró esti sábadu los sos venti años d’esistencia y conmemoró la declaración de soberanía del 25 de mayu de 1808 nun día pa recordar y nel que participó la organización xuvenil Darréu y al qu’asistieron delegaciones de Corriente Sindical d’Izquierda, Coordinadora Antifacista d’Asturies, Bloque por Asturies, Los Verdes d’Asturies, Partíu Asturianista, Partíu Carlista d’Asturies o Fai!.

 

El XIII Día d’Andecha entamó a les 18:30 hores nes Escueles Vieyes de Villaviciosa. A les 19:30 hores un pasucais con banda gaites percorrió les cais céntriques de la villa. A les 20:30 hores entamó l’actu políticu énte unes 200 persones. Daniel Cueli, que fore voceru y ún de los fundadores del conceyu d’Andecha Astur de Villaviciosa, anguañu del Conceyu de Nava d'Andecha. L’actu entamó coles intervenciones y saludos de les distintes delegaciones que foron presentaes Cueli y aplaudíes polos presentes. Les felicitaciones a Andecha Astur polos sos venti años d’esistencia y les llamaes al trabayu en comuña foron la tónica xeneral. Tres la ronda d’intervenciones de les organizaciones convidaes llegó’l momentu pa les intervenciones polítiques d’Andecha Astur y Darréu.

Bones tardes collacios y collacies d’Andecha Astur.Bones tardes tamién a los vecinos y vecines de la Villa que s’arrimaron fasta equí esta tarde a acompañanos nesti Díi d’Andecha.Un saludu tamién, como non, a les delegaciones de les estremaes organizaciones que güei nos acompañen: CAA, CSI, BPA, PAS,  Los Verdes d’Asturies, FAI y al PCPE d’Asturies que disculparon la so ausencia pero que sí mos unviaron un saludu.Por supuestu tamién a la mocedá de Darréu y los compañeros y compañeres del Conceyu d’Andecha Astur de Villaviciosa.

La verdá qu’hai que reconoce-y a la xente d’Andecha Villaviciosa qu’el sitiu escoyíu pa facer un actu como esti ye perfeutu y más nun día como güei nel que’el tiempu vien acompañándonos.

Bones tardes a toos y toes, munches gracies por tar equí güei cellebrando´l 13 día d´Andecha Astur. Esti añu tenemos el gran orgullu de que seya equí, en Villaviciosa, ún de los conceyos con más hestoria dientru d´Andecha Astur.

Güei conmemoramos delles coses. Lo primeru, la fecha´l 25 Mayu 1808, na qu´el Pueblu Asturianu proclamose soberanu afitando asina una Asturies dixebrada´l restu l´Estáu español. Una llucha qu´enxamás tien de ser escaecía.

Lo segundu, son los 20 años d´Andecha Astur, 20 años nos que son munches les lluches desendolcaes. Tou esto pa convertinos n´el referente´l nacionalismu d´esquierdes nesti país.

Nesti decimotercer Día d’Andecha del que Darréu forma tamién parte, comu nun podía ser d’otra manera, felicitamos a Andecha Astur nel so vixésimu aniversariu polos 20 años andechando, polos 20 años de llucha, polos 20 años defendiendo la tierra, polos 20 años defendiendo al pueblu asturianu y los drechos que comu tal y correspuenden.

Nesti 2010, conmemoramos un fechu perimportante asocedíu na hestoria d’Asturies, va yá 202 años del 25 de Mayu de 1808. Esti día onde’l pueblu asturianu decidió ser soberanu, escoyo’l camín del autodetermín, escoyó’l camín de la llucha, la defensa del pueblu y de les sos istituciones. Ye mui importante conocer la nuesa hestoria y deprender tolo que podamos d’ella, pero entá más importante ye poder facer hestoria, formar parte d’ella, escribila nós, y esto sólo ye posible apostando por proyeutos comu’l d’Andecha Astur y Darréu.