Dende Andecha Astur creemos que les obres d’ameyoramientu d’asfaltau son totalmente inecesaries y propies d’un ayuntamientu que s’afita nel despilfarru. Les obres afeuten a les cais Manuel Llaneza, Carreño Miranda, Valeriano Miranda y Nuna Guilohu.

La situación repítese una vegada más nel tiempu, y también nel espaciu públicu. Mieres torna a ser víctima directa del despilfarru del executivu llocal del Alcalde Luis María García, con  unes reformes inecesaries. Les obres, programaes pa esti mes d’agostu van afectar al tráficu nes cais más céntriques de la villa y van camudar tol itinerariu de tresporte públicu.

Los vecinos y vecines de Mieres del Camín refuguen estes reformes, que consideren poco afortunaes y ensin muncho xacíu, pues estes cais alcuéntrense en meyor estáu qu’otres del Conceyu.

Énte’l mui asturianísimu programa preparáu pol «Principado» pa esti 8 de setiembre, coles asturianísimes actuaciones de La Pantoja, Tamara, Chenoa, etc. Andecha Ástur encamienta al «Principado» y más concretamente al so inefable presidente, Álvarez Areces, a complementar tal esbardie d’asturianía con una bien asturiana corría de toros y un épicu desfile de la non menos asturiana, Llexón española, cola cabra al frente y siguía por una brigadilla de la Guardia Civil y restu d’autoridaes.

Andecha Ástur atalanta que dende la mentalidá del PSOE en Asturies, esti complementu a la so programación resulta asumible dafechu pa la cellebración del so «Día del Principado», y qu’entra dientro de l’Asturies cola qu’ellos suañen, onde La Pantoja seya la másima espresión d’asturianía.

Nos últimos díes del pasáu mes de xunetu nagurábase l’ampliación de les instalaciones que la empresa papelera Ence tien en Navia. Nel trescursu del actu, el presidente de la multinacional, Juan Luis Arregui, aprovechó pa pidí-y al presidente’l “Principáu”, Tini Areces, que’l Gobiernu que dirixe “lidere una gestión activa de los recursos forestales en Asturies dirigidos a la plantación de eucalipto, un árbol bondadoso”. Tres estes pallabres, y como los propios direutivos d’Ence reconocieren dempués, ta la intención de duplicar la producción de celulosa, pasando del 20 % d’anguañu al 42 %, pa lo que ye necesario llantar más ocalitos n’Asturies.

La organización política Andecha Astur quier refugar públicamente, al traviés d’esti comunicáu, la supresión de la figura de Direutor/a nes escueles d’Educación Infantil (0-3 años) y la so sostitución por un Coordinador/a que se faga cargu de delles escueles a la vegada, midía que yá se quier llantar pal prósimu cursu escolar, 2010/2011.  

N’Andecha Astur creyemos que los argumentos apurríos tanto pol yá ex Conseyeru d’Educación y Ciencia, José Luis Iglesias Riopedre, comu pola Vocera del Gobiernu asturianu, Ana Rosa Migoya Diego, nun son válidos y que tres la intención de llevar alantre esta midía alcuéntrase una forma más d’axustar el presupuestu’l “Principáu” cola escusa de la crisis económica.

Pesia lo inregular de les formes en que se fai la propuesta, entiende que coincide básicamente coles qu’Andecha Astur vien presentando nos años caberos, y que respuende a la Xunidá d’Aición que vien reclamando.

Andecha Astur ve con bonos güeyos la propuesta del Bloque por Asturies de convocar un 8 Setiembre xunitariu pesia lo inregular que resulta la so rialización al traviés de los medios de comunicación. Nun principiu y ensin tener más información que la conocía al traviés de talos medios, Andecha Astur asumiría la convocatoria d’un Díi de la Nación Asturiana xunitariu esti 8 setiembre, entendiendo que básicamente coincide coles propuestes que vien presentando dende va dellos años comu consecuencia del firme comencimientu de que la situación d’Asturies precisa de la responsabilidá y xenerosidá de tolos axentes políticos y sociales asturianos p’aportar a puntos d’alcuerdu y trabayar conxuntamente polos llexítimos drechos ya intereses del Pueblu Asturianu.