Javier Fernández nun s'entera
Miércoles, 20 de Xunu de 2012 12:56 |
| Nacional |
Andecha Astur acota al presidente del "Principado" y el so gobiernu l’alcontrarse esapaecíos en plenu conflictu mineru.
En plenu conflictu mineru, y cuandu una vuelta más paez quedar nidio que’l Gobiernu español ta dimpuestu a dar el golpe caberu al seutor mineru asturianu, el presidente del "Principado", Javier Fernández, y el so gobiernu alcuéntrense esapaecíos dafechu, comu si nun vivieren n’Asturies y el tema nun fuere con ellos.
YE ASTURIES. Fuelga Xeneral Martes, 19 de Xunu de 2012 19:44 |
 Tres l'ésitu de la Fuelga Xeneral nes cuenques mineres, Andecha Astur entama una campaña pidiendo una Fuelga Xeneral d'Ámbetu Nacional. Una vuelta pasada la trunfal xornada de fuelga nes cuenques mineres Andecha Astur reitera la necesidá d’una convocatoria de Fuelga Xeneral d’ámbetu nacional, atalantando que ye imposible disociar l’actual conflictu na minería del restu conflictos socio llaborales que tan teniendo llugar n’Asturies nin de la ellevadísima tasa de paru, perda de prestaciones sociales y de la sangría que suponen les decenes de miles d’asturianos que se ven forciaos a emigrar.Agradecimientu pol homenaxe a los asturianos que defendieron Bilbo Llunes, 18 de Xunu de 2012 12:06 |
Andecha Astur punxose en contautu cola plataforma popular que promueve la comemoración del 75 cabudañu de los combates del Cinturón de Fierru de Bilbo p'agradece-yos el recién homenaxe que se-yos rindió a los asturianos que dieren la vida en defensa la llibertá y escontra'l facismu. L'homenaxe tevo llugar en Larrabetzu, al llau de la fosa común que s'alcuentra en Blunburu, y onde tan entierraos los asturianos que defendieren el Cinturón de Fierru de Bilbo. L'actu cuntó cola presencia de txistularis, una ufrienda de flores silvestres, la colocación de les banderes nacionales vasca y asturiana, y nel mesmu pronunciárense frases que son toa una reconocencia "Nel nuesu pueblu nin podemos nin debemos escaecer esta delda de sangre colos meyores fíos del Pueblu Asturianu" Denuncia de la criminalización del conflictu mineru y llamada a la fuelga xeneral Domingu, 17 de Xunu de 2012 07:21 |
 Los medios de comunicación estatales, a diferencia de la prensa asturiano ya internacional, optaren pol apagón informativu nun entamu y pola criminalización direuta agora. Llama a la fuelga activa convocada pa esti llunes 18 y reitera la necesidá d’una fuelga xeneral a nivel nacional. Andecha Astur denuncia cómu se pasó d’un apagón informativu pal conflictu mineru asturianu a nivel estatal, a una criminalización direuta na que s’obvien les causes del conflictu pa centrase n’aquellos aspeutos de la movilización que resulten más interesantes pa los sos oxetivos de criminalización, fasta’l puntu de calificar les movilizaciones en defensa de la minería asturiano comu terrorismu. A diferiencia de la prensa asturiano que supo caltener un nivel informativu peraltu y una oxetividá aceutable, ya inclusu de la prensa internacional, onde’l conflictu mineru asturianu ocupó portaes (The Washington Post, USA Today…) y recibió un tratamientu respetuosu, la prensa española ponse al serviciu del Estáu pa terxiversar un conflictu y criminalizar a la parte más feble del mesmu. Andecha Astur desixe actuaciones imediates al Aytu Villaviciosa Vienres, 15 de Xunu de 2012 10:01 |
 Énte los acabantes vertíos na ría Villaviciosa Andecha Astur desixe al Ayuntamientu actuaciones imediates L’Ayuntamientu Villaviciosa tien de perseguir activamente estos vertíos contaminantes, sacántenes que pretenda convertise en cómpliz de los mesmos; y acometer perurxentemente les obres de saneamientu pendientes. Andecha Astur desixe al Ayuntamientu Villaviciosa que se presone comu parte interesao na denuncia presentada pola Cordinaora Ecoloxista énte’l "Principado" y la Confederación Hidrográfica del Norte por un nueu vertíu d’una sustancia contaminante producíu’l pasáu sábadu na ría Villaviciosa, procedente de la fastera d’Albandi. Desvergoña dafechu del PSOE Vienres, 15 de Xunu de 2012 07:59 |
 Desvergoña dafehcu del PSOE énte la destruición de la minería asturiana. Andecha Astur quier denunciar públicamente la desvergoña dafechu del PSOE al presentase agora comu gran defensor de la minería cuandu ye’l principal responsable del sistemáticu procesu de destruición d’esti seutor productivu asturianu, al que, al traviés de los sos Planes Mineros reduxeron nes sos cuatro quintes partes y firmaren los alcuerdos pal so esaniciu. |
