Pide meyores nes instalaciones de fútbol, nel polideportivu y pide que nun s’olvide la necesidá d’ampliar con nueves instalaciones.

Andecha Astur vien recibiendo quexas d’usuarios de algunes instalaciones deportives noreñenses pol so mal estáu y por delles deficiencias que se deberíen iguar pa tener unes instalaciones dignes. Como ye’l polideportivu y les instalaciones de fútbol. Andecha tresmitió a la Conceyalía de Deportes les quexes, proponiendo soluciones y aportando delles propuestes en materia deportiva como la creación de un Conseyu Municipal de Deportes.

Na conversión de pista cubierta a polideportivu tovía queden, depues de dellos años, problemes graves que fain del polideportivu una instalación tovía deficiente. Asina, danse situaciones de partíos sospendidos porque la pista parez de patinaxe, filtraciones d’agua, nun ye eficiente enerxéticamente… y otres deficiencies. Andecha considera que ye nacesario acabar d’una vez por toes la instalación y convertila nun polideportivu.

Más sangrante aún ye la situación de les instalaciones de fútbol. Depués de la tomadura pelo col campu yerba sintetico d’inversion millonaria, les instalaciones quedaron sin inversión ninguna quedando como taben o peor (de les peores de tercera division). El campu d’arena sigue como va años y el de yerba ta estrozáu ya que se tien qu’usar lo más posible. Hai goteres nel bar, na secretaria, nun se quiten les uralites (hai que facelo por llei), los vestuarios dan pena,…Nun s’entiende que depués de tar dimpuestu l’Ayuntamientu a invertir muches perres nes instalaciones y depues del ridículu del “casu del campu sinteticu”, nun se ficiera nin siquiera una inversión pequeña pa caltener les instalaciones minimamente.

Nesti sentíu, Andecha considera necesariu un campu sinteticu pa sustituyir el d’arena d’anguañu qu’usen cientos de neños y deportistes mozos. Si esto fuere posible habría qu’estudiar una nueva zona de servicios (vestuarios, secretaria,..) orientada a los dos campos y que si bien nun fai falta facelo de lluxu, con poco podríen acabase les deficiencies d’agora. Mientres esiximos actuaciones no esistente pa minimizar la situación y que polo menos Noreña nun de esta imaxen a los cientos de deportistes y familiares que nos visiten tolos fines de selmana.

Per otru llau, Andecha Astur recuerda que ta pendiente de realización la U de patinaxe aprobada va años en plenu municipal  y que cayó nel olvidu. Tamién recordamos algunes de les nuestres munches propuestes en materia deportiva como la instalación d’una pista finlandesa (circuitu al aire llibre con distintes zones d’exercicios) nel parque de Los Riegos, adecacuación d’un campo futbol para la práutica d’otros deportes como’l rugby o la puesta en marcha d’un Conseyu Municipal de Deportes onde ten representaes les asociaciones deportives y que sirva pa orientar y meyorar la política deportiva de Noreña d’una forma participativa y nel que los deportistes y clubes tengan la pallabra y sean axentes activos.

Andecha Noreña tresmitió les denuncies ciudadanes y les sos propuestas en materia deportiva a la Conceyalía de Deportes que dirixe Daniel Rajó (URAS), que se mostró receptivu, col oxetivu de buscar soluciones a les deficiencies y col que siguirá en contactu pa buscar fórmules que permitan que Noreña puea tener, nun futuru próximu unes instalaciones deportives dignes y salir de la paralización que durante años se vien teniendo na materia.

Andecha Astur considera que l’anunciáu Plan A d’Areces, basicamente pa obres, pue ser una bona oportunidá pa facer meyores ensin que se resientan les arques municipales, visto que parez que dende l’Alcaldía vense como gastos y non como una inversión nel deporte y salú noreñenses.Yá que nenguna ayuda del “Plan E” de Zapatero se destinó pa estes instalaciones (si pa les piscines), Andecha pide-y al Ayuntamientu qu’ande atentu pa proponer dalguna posible actuación con fondos del “Plan A” d’Areces.  

Consideramos, de toes formes, qu’esti tipu de planes son propaganda y nun son solución nenguna pal paru (que sigue medrando) pero yá que tán ehí l’Ayuntamientu debe aprovechar fondos y facer obres necesaries.