Bones tardes a toos y toes, munches gracies por tar equí güei cellebrando´l 13 día d´Andecha Astur. Esti añu tenemos el gran orgullu de que seya equí, en Villaviciosa, ún de los conceyos con más hestoria dientru d´Andecha Astur.

Güei conmemoramos delles coses. Lo primeru, la fecha´l 25 Mayu 1808, na qu´el Pueblu Asturianu proclamose soberanu afitando asina una Asturies dixebrada´l restu l´Estáu español. Una llucha qu´enxamás tien de ser escaecía.

Lo segundu, son los 20 años d´Andecha Astur, 20 años nos que son munches les lluches desendolcaes. Tou esto pa convertinos n´el referente´l nacionalismu d´esquierdes nesti país.

Tamién facemos 12 años d´Andecha Astur en Villaviciosa. Munchu llovió ya dende aquel 31 d´Ochobre de 1998. Y munches les illusiones puestes nesti proyeutu. Y munches más, les batalles que nos queden per llibrar.

Dende´l Conceyu d´Andecha Astur en Villaviciosa, queremos dai les gracies a Daniel Cueli, ún de los entamadores d´Andecha Astur na Villa, xuntu al que vos fala y deyos más que tan güei perequí.

Nestos 12 años , en Villaviciosa pasamos d´un gobiernu caciquil de la drecha (P.P.) pa pasar a un gobiernu caciquil y desorganizáu de los PASURAS-PP.

Ná camudó nesti Conceyu, munchos proyeutos que tienen de volver a proyeutase co´l despilfarru perres qu´esto acarreta. Y mui pocu lo fecho pa finar colos problemes de la xente d´esti Conceyu.

 Que más dicivos. Tampocu quería finar la mio intervención ensin dar les gracies a toa la xente y negocios de La Villa que tan equí güei collaborando, col nuesu proyeutu, pa qu´esto seya una realidá: Chigre La Bodega II, Sidrería La Ballera, Gráfiques Maliayu, Muebles Valle, a toos ellos, munchísimes gracies.

Son delles les persones que güei vamos falavos, y toos vamos facer incapié no mesmo. TRABAYAMOS POR ASTURIES Y POLOS ASTURIANOS Y ASTURIANES, TRABAYAMOS POL NUESU PUEBLU Y ESO….ENXAMÁS VA TORNALO NAIDE!!

Ya ta bien d´empocar el nome d´Andecha Astur. Son munches les coses bones qu´enxamás Andecha Astur tien d´escaecer d´esa xente que lleva lluchando y tirando pol nacionalismu d´izquierdes n´Asturies, dende la única vía posible, dende Andecha Astur, pero tamién ye verdá,que son munches les coses que la esperiencia diznos que tenemos que camudar.

A toa esa xente que dixo que tábemos muertos….ESTI MUERTU TA PERVIVU!!, a toa esa xente qu´en vez de trabayar por Asturies, paez que trabayen escontra los asturianos y asturianes, na más dici-yos una cosa…TRABAYAI LO DE VUESO Y DEXANOS A ANDECHA ASTUR SIGUIR TRABAYANDO POR ASTURIES Y´EL PUEBLU TRABAYADOR ASTURIANU!!

PUXA ANDECHA ASTUR!!

PUXA ASTURIES LLIBRE Y SOCIALISTA!!

PUXA ASTURIES DIXEBRÁ!!