Énte’l determiín de nagurar la Feria d’Amueses namás p’autoridaes

Énte l’anuncia rializada de qu’esti añu la Feria d’Amueses d’Asturies nagurarase un díi enantes a puerte presllada, namás p’autoridaes ya invitaos, Andecha Astur considera tan patético comu sinificativo que los políticos del «Principado» veanse obligaos a recurrir a estes artimañes pa nun tener que dar la cara énte la sociedá asturiano.

P’Andecha Astur esti determín ta condicionáu dafechu pola indignada reaición popular que les visites del mandatariu del «Principado» desaten ellí per onde va, con mazcatu incluyíu nun lo escaezamos, y ye qu’a estes altures nun tienen abondo con recurrir a una «guardia pretoriana» que los protexa del clamor popular y la rempuesta social énte la sumiisión a los intereses de Madrid y a los desmanes políticos d’Areces y el PSOE n’Asturies, sinon que recurre a les naguraciones presllaes al públicu pa rializar les sos campañes d’autobombu publicitariu.

Andecha Astur considera que, nestos intres nos que’l ´rexime arecista ta protagonizando los sos estertores, repetiránse ca vuelta con más fecuencia estos patéticos manifestamientos de mieu y vergoña por parte de los responsables políticos de la criminal situación que carez Asturies.

En sin dulda, y por más policía que los arrodie y por más represión que pretendan exercer, enxamás nun faltará un bon asturianu o asturiana que manifieste la nuesa indignación y despreciu con un bon mazcatu.

A la fin, Andecha Astur valora perpositivamente esti arrinconamientu democráticu que carecen los responsables políticos del aniquilamientu d’Asturies, y fai un llamamientua l conxuntu la sociedá asturiano pa que continúe amosándo-yos públicamente la so refuga y la so xusta indignación.