Recuerda que n’Asturies bloqueóse en 2003 una Iniciativa Lexislativa Popular asemeyada a l’aprobada en Cataluña.

Andecha Astur pide la prohibición de les corríes de toros n’Asturies. Dende siempres, esta formación política d’izquierda nacionalista refugó la cellebración d’espectaculos taurinos tanto pol maltratu animal que suponen como pol so componente exóxenu a la cultura asturiana y d’imposición españolista.

Andecha Astur felicita al Parllamentu catalán pola aporbación de la Iniciativa Lexislativa Popular  pa prohibir les corríes de toros en Cataluña y xuntase asina a Canaries que yá lo fizo en 1991.

La organización política tamién felicita’l Parllamentu catalán por nun torgar la ILP como ficiere’l asturianu va unos años cuando torgó l’aniciu del procesu llexislativu y l’entamu de la recoyida de les 15.000 firmes necesaries nel nuesu país. Que se torgare de primeres yá aquel proyeutu de ILP dexa ver la falta de democracia que carecemos n’Asturies y la proteición d’estos espectáculos sangrinos dende los partíos estatales n’Asturies.

Andecha Astur camienta que tarde o temprano n’Asturies tamién se va consiguir erradicar los espectaculos taurinos y nesi sen sofita y sofitará toa iniciativa que denuncie la so cellebración n’Asturies o s’empobinen a algamar la so prohibición nel nuesu país.

Los datos son claros l´añu pasáu cellebráronse 1848 actos con toros en tol estáu, y namás 6 foron nel nuesu país y ye qu’Asturies, Canaries y Baleares son los territorios del estáu con menos espautaculos taurinos