Xose Lluis García Arias, vien de facer unes declaraciones públiques nes que perafita l'analís sobro'l movimientu de reivindicación llingüística que vien faciendo Andecha Astur.

Nunes declaraciones apaecíes esti domingu en LNE, Xose Lluis García Arias, el que fuere presidente de l'Academia de la Llingua Asturiana,  fai una riestra de reflexones alrodiu'l procesu de reivindicación llingüística que perafiten les que vien faciendo Andecha Astur dende cuantayá, afirmando ente otres coses que:

"Creo que la reivindicación lingüística fue siempre en aumento desde la época de Conceyu Bable hasta el año 2003, en que la entrada de IU en el Gobierno dejó sin cumplir todas las promesas que habían realizado durante la campaña electoral. La política entreguista y desmotivadora de IU al entrar en el Gobierno marca el descenso de las reivindicaciones hasta hoy"

En principiu un analís oxetivu ya indiscutible, lo único que llega con más de 10 años de retrasu dende qu'Andecha Astur espunxo eses mesmes reflexones, denunciando'l papel d'IU, el remanamientu del movimientu llingüísticu, el francimientu de la xunidá llingúística col inventu del gallegu-asturianu... y a la fin, los sucesivos pautos, conceyos abiertos pola oficialidá y plataformes varies al serviciu d'IU ensin otru oxetu que la desactivación del conflictu lligüisticu.

Llamentablemente d'aquella, Andecha Astur quedó sola defendiendo esta rialidá y pola so coherencia sufrió una auténtica persecución dende estremaos seutores del "asturianismu" que o fueron cómplices d'IU nesti procesu o auténcios "tontos útiles" pa IU.

Les reciente declaraciones de García Arias suponen un puntu y aparte na dinámica esistente y una vuelta deteutáu'l problema son el primer pasu pasu cara a la necesaria reactivación del movimientu de reivindicación llingüística.