Les playes de Carreño abriéronse al bañu con galipote y ensin tener los resultaos de l’analítica d’hidrocarburos.

Andecha Astur presentó una denuncia pola apertura al bañu de les playes de Carreño’l pasáu domingu 8 de xunetu,ensin tener los resultaos de l’analítica d’hidrocarburos unviada al llaboratoriu, y ensin que tovieren finaes les xeres de llimpieza.

Na denuncia especifícase qu’l fuel supuestamente vertíu (a díi de güei nun se facilitaren detalles de la composición del material vertíu) contien; asfaltenos, hidrocarburos arumáticos, hidrocarburos saturaos y hetromolécules con átomos d’azufre, osíxenu, nitróxenu y metales.Amás d0éstos, los fueles contienen hidrocarburos arumáticos volátiles comu’l bencenu, toluenu, xilenos.Ente los hidrocarburos arumáticos policíclicos presentes nel fuel hai de solliñar el naftalenu, fenantrenu, dibenzotiofenu,fluorantenu, cresenu y los alquil-derivaos,toos ellos sustancies d’altísma tosicidá.

Nel mesmu sen, Andecha Astur denuncia la inhibición, cuandu non complicidá, de la fiscalía de Mediu Ambiente, que pesia conocer los fechos por notificación de la Cordinaora Ecoloxista d’Asturies, indesplicablemente nun tomó denguna triba de midíes al efeutu.