Talamente comu solicitare Andecha Astur, la organización que concede les banderes azules replantegóse la concesión a les playes empuercaes pol vertíu de HC llegando a retirala a Xivares, la más afeutada.

Al pocu de recibirla solicitú de retirada de les banderes azules a les playes que se viren afeutaes pol vertíu de galipote, la Foundation for Environmental Education (FEE) y a la Asociación de Educación Ambiental y del Consumidor (ADEAC), que preside’l xuráu a nivel del Estáu español, decidieren retirar la distinción a la playa de Xivares (Carreño), por ser la más afeutada pol galipote, y alvertir a les otres 18 playes que tan obligaes a retirala 'en casu de presencia de galipote nes mesmes.

Metantu y non, HC y el "Principado" continúen echándose les culpes unos a otros sobro l'actuación una vegada producíu'l vertíu, de tala miente que coforme van faciéndose públicos los datos va quedando n'evidencia la importancia del vertíu (fechu que se pretendió tapecer nun entamu), lo avezao d'esta práutica por HC y la reinal incapacidá, cuandu non conivencia, del mesmu "Principado".