Remembra a IU que ye corresponsable d'esta eshibición d'españolismu militarista y entrúgase si vieron la lluz, si carecen “Alzheimer”  o a cencielles ye hipocresía.

 Andecha Ástur presentó nel rexistru del Conceyu de Xixón una propuesta por que se retire'l financiamientu municipal a la exhibición d'españolismu militarista que supon el Festival Aériu”, recordando que la nuesa  ciudá tien el desafortunáu privilexu de ser la primer ciudá europea bombardeada dende l'aire (1934, pol Exércitu de la República española) y de siguío pol Exércitu franquista español (1937), lo que sedríe motivu abondo pa evitar asemeyáu tipu d'actos.

El miércoles 14 d'agostu Conciertu HIP-HOP ATACK nel Llar d'Andecha de Xixón.

Esti prósimu miércoles, de magar les 17 hores, cellebraráse un conciertu de HIp-Hop nel qu'actuarán seyes grupos asturianos de Hip Hop: "Hermanos de Calle", "Garolo", "Heck", "N.A.R.K" "Parda", "Ozono".

La entrada ye de baldre y el conciertu ta entamáu por NORA ANTIFA, col sofitu d'Andecha Astur, en cuyu Llar de Xixón (Prendes Pando 11), y hai qu'enmarcalu dientru la dinámica d'Andecha de dir afayando los sos llocales p'actividaes de calter reivindicativu y popular.

Pel so llau, NORA ANTIFA ye una de les organizaciones de mocedá asturiano más reivindicatives y actives del panorama asturianu, siendo mui sinificativu l'apueste polos nueos grupos de música alternativo que van apaeciendo nel nuesu país, a los que facilita l'acesu a los escenarios y contribúi a desendolcar el so llabor.

El concieru HIp Hop Atack entama a els 17 hores, cola fin de que la xente puea participar nelli y llueu preparase pa la nuechi de los fueos de Begoña.

El prósimu llunes 1 d'agostu el Conceyu Xixón tien convocáu un conceyu llocal nel Llar d'Andecha (Cai Prendes Pando, 11) a les 20 hores en primer convocatoria y a les 20.30 en segunda y postrer convocatoria y al que tan concocaos/es tolos/es militantes d'Andecha Astur d'esti conceyu.

La organización política Andecha Astur ta acabante de pidí-y a Mercedes Álvarez, Conseyera de Cultura y Turismu del “Principáu” d’Asturies y, poro, másima responsable política de Llaboral Escena, el teatru allugáu na Universidá Llaboral de Xixón y xestionáu al traviés de la empresa pública Recrea, un xiru na xestión y programación d’esti espaciu escénicu. Y ye que nun se pue permitir el despilfarru económicu que Llaboral Escena vien suponiendo dende’l so aniciu.

Los últimos datos económicos conocíos ponen los pelos de punta: dende agostu de 2009 a abril de 2010 la contratación d’espectáculos costó 445.149 €, de los que sólo se recuperaren 55.612 € pola venta d’entraes. A ello hai d’amestar los miles d’euros que se marafundien na difusión de la programación; una publicidá que, polo que se ve, nun ta siendo nada efectiva. Estos númberos llamen a la reflexón, y más nos tiempos que cuerren, y, amás, ponen de manifiestu la escasa repercusión de los espectáculos contrataos ente’l públicu asturianu.

Esti ye un exemplu más del poco enfotu de les alministraciones en recuperar y poner en valor el padrimoniu asturianu

La noticia de l’apaición de 20.000 pieces arqueolóxiques procedentes de les escavaciones de La Campa Torres n’estáu d’abandonu, y ensin inventariar, nuna habitación clausurada nel llugar ye otru motivu de disgustu y quexa pa los asturianos. De disgustu porque, otra vegada más, alcontramos un casu de dexadez del ‘Principado’ y, nesti casu, del Conceyu de Xixón, nun tema referente al padrimoniu históricu asturianu; y de quexa porque l’actitú de los responsables direutos d’esta situación –arqueólogos encargaos de los trabayos en La Campa Torres, políticos municipales y persones al frente de Cultura– ye vergoñosa al pasase la pelota unos a otros.

Andecha Astur presentó les sos altriques al PGO de Xixón. El documentu coincide básicamente col consensuáu pola Federación d’Asociaciones de Vecinos de la Fastera Rural «Les Caseríes», a les que la nuesa organización política vien sofitando dende la primer Marcha Verde en defensa d’un desendolcu urbanísticu caltenible pa Xixón.

Andecha Astur considera que’l PGO propuestu pol Ayuntamientu Xixón nun tien revisión posible, sinon que lo único que cabe ye anulalu y escomenzar de nueu. Esti PGO ta anuláu polos tribunales y munchu enantes pola ciudadanía comu demosaron les múltiples marches verdes. Ye, ensin dulda, el plan urbanísticu más refugáu na hestoria de Xixón.