Pasáu yá un tiempu del accidente, dimisión y declaraciones por parte de Juan José Corrolades, Andecha Astur en Sieru queremos llamar l'atención sobro dellos asuntos que, si non de llargu, pasaron ensin llamar l'atención enforma estos díes na actualidá sierense, una y bones nos paecen tan esmolecedores que los mesmos vecinos deben de tomar cartes nel asuntu.

Dende Andecha Astur reconocemos el xestu de Juan José Corrolaes en quedar al cargu de los gastos causaos (¡que menos!), pero dende Andecha solicitamos que dichu pagu sía fechu públicu pa que'l xestu nun se quede en palabres.

Dende Andecha Astur Sieru queremos amosar el nuestru rechazu a la creación del denomináu bulevard na cai Alcalde Parrondo. 

Depués de ver les alternatives, idées y puntos de vista daos tanto dende grupos políticos, como agrupaciones vecinales amosamos la nuestra disconformidá con esti plan urbanísticu nuevu ideáu unillateralmente pola agrupación socialista del conceyu. Tenemos qu'almitir que'l nuestru rechazu nun ye absolutu, yá que baxo les nuestres idées de política municipal siempres espresemos que son los vecinos los primeros que deben decidir sobre la conveniencia o non d’obres como esta, yá que son ellos los que’l día de mañana disfrutarán o non de les mesmes. 

 El gran problema del bulevard ye la cerrazón de los que s’autodefinen como grandes demócrates (PSOE), empeñaos n’implantar la política del “Sí o Sí” a toa costa, sin sopesar, al nuestru entender, tolos contras qu’ocasionaría la peatonalización d’una de les arteries de La Pola y tovía mucho más grave, pasando per enriba d’opiniones contraries al proyectu.

 

Andecha Astur Sieru quier denunciar públicamente la  retirada de la bandera asturiana de la Casa Conceyu Sieru esti vienres. Con motivu de la parada militar retirásonse del edificiu la bandera del conceyu y l'asturiana, quedando namás que la bandera monárquica española actu que consideramos humildante y ofensivu pa tolos ciudadanos del nuesu conceyu y pa con tolos asturianos y asturianes. Andecha denunciar el despliegue policial, les identificaciones y les persecuciones arbitraries nun intentu de callar les voces crítiques col desfile militar y lo que ye más grave la multa alministrativa a un militante por pasear pela acera dientro del cordón policial.

Considaramos llamentable la promoción por parte del Conceyu Sieru de los valores antidemocráticos , imperialistes, homófobos sesistes y de sumisión dafechu que representa l´exércitu.

Énte la prósima 'parada militar' que s´entamará nel conceyu de Sieru , a petición del PP,  col sofitu del equipu de gobiernu del PSOE.
Andecha Astur, como organización antimilitarista que ye, quier amuesar la so más fondera refuga a esti tipu d´actos que pretenden militarizar la sociedá civil y presentar a los exércitos como instrumentos modernos al serviciu del ciudadanu tapeciendo los valores represivos, imperialistes, machistes, capitalistes y antidemocráticos que representen.