La cercanía de la Casa-Cuartel nun pue suponer un escoyu, cuando lo más lóxico ye plantegase llevarel cuartel a les afueres del cascu urbanu

Dende Andecha Astur de Ribeseya queremos asoleyar públicamente’l nuesu sofitu a la idega de llevantar nel solar de la Pantera Rosa un edificiu qu’acueya’l Llar del Xubiláu y una ventena de viviendes sociales. Les dos actuaciones son pernecesaries nel nuesu conceyu debíu a la falta hestórica de viviendes y llocales sociales que carecemos gracies a los sucesivos gobiernos llocales y d’Asturies.

• En prensa:
  Andecha Astur de Ribadesella respalda ... (EC 17/03/2009)
  Vázquez no entiende el .... (EC 20/03/2009)

Andecha Astur retrucó a le declaraciones Francisco Vazquez al que pedi-y información sobre'l tema de Guadamía "tendría'l mesmu sentíu qu’utilizar una brúxula ensin aguya" y anuncia la preparación d'un dossier con toles irregularidaes pa presentar una denuncia nel xulgáu.

Andecha Astur nun sólo nun taba desinformada, sinón que tovimos que ser nós xunta’l presidente de l’AAVV de Cuerres, los que llevásemos a un compañeru suyu de gobiernu y partíu a que presenciara los desmanes de Cuerres dada la inoperancia del concejal titular y competente na materia.

• En prensa: Andecha prepara un dossier para llevar al juzgado todas las obras de Guadamía (EC 23/02/09)

Andecha Astur pidió la dimisión inmediata de Paco Vazquez como conceyal de mediu ambiente y urbanismu del Conceyu de Ribeseya.

Andecha Astur de Ribeseya nun pue salir d’asombru depués de les caberes declaraciones de prensa rializaes pol conceyal de Mediu ambiente de la Casa Conceyu de Ribeseya, Francisco Vazquez. A xuiciu de nueso estes declaraciones además de demostrar una apatía y desinterés más que preocupantes con estos fechos pergraves, suponen una tomadura de pelu tantu a los vecinos de Cuerres como a los del restu del conceyu y faen que pierda tola credibilidá que presuponíamos a esta persona en materia de mediu ambiente y urbanismu, polo que’l nuevu PXOU nun puede depender de persones como él.

• En prensa:
  Dimite y vencerás  (EC 19/02/09)
  El 90% de las obras ejecutadas junto al río Guadamía se hicieron sin licencia municipal (EC  20/02/09)
  Sombras en el Museo de Tito Bustillo (LNE 20/02/09)

Andecha Astur de Ribeseya denuncia que la Casa Conceyu de Ribeseya fomenta despropósitos como que la multa por nun pone-y bozal o nun recoyer los escrementos del perru seya sesenta vegaes superior a la que se-y va imponer a la empresa que ta atentando escontra la natura y los drechos del pueblu de Cuerres nel entornu de la playa de Mía.

En prensa: Los vecinos de Cuerres denuncian nuevos destrozos en la cuenca del Guadamía (EC 17/02/09)

Dende’l Conceyu d’Andecha Astur, asistimos ablucaos lo mesmu que’l restu d’habitantes del conceyu de Ribeseya, a esti nuevu insultu a la intelixencia del contribuyente. Enterámonos pola prensa, que la Casa Conceyu va tener que pagar de l’ayalguería pública cerca de 21.000 euros a una trabayadora que l’equipu gobiernu despidió de forma improcedente por puru caprichu. Desgraciadamente, l’equipu gobiernu del PSOE-IU ta confirmando los peores augurios y tan dándo-y continuidá a les formes caciquiles del anterior alcalde y qu’ellos prometieron desterrar de la Casa Conceyu.

Andecha Astur quier denunciar tamién la postura del gobiernu PSOE- IU, allniándose cola empresa denunciada y a la escontra de tou un pueblu del conceyu de Ribeseya.

OTRA VUELTA MÁS, LLAMENTAMOS LES FORMES D’ACTUACIÓN DEL CONCEYU RIBESEYA, QUE NUN ATIENDE A LES DEMANDES Y NECESIDAES DE LA POBLACIÓN, NIN CUMPLE LES SOS PROMESES.

 El gobiernu de Ribeseya vien de facer públicu l’anuncia de tres grandes obres nel conceyu a cargu de los fondos qu’apurre’l gobiernu central del estáu a los conceyos, como midía escontra la crisis. Llamentablemente, creemos que dende la Casa Conceyu nun supieron da-y salida de forma correuta , atendiendo a les necesidaes de la población del conceyu ribeseyanu.

• En prensa: Andecha se une al PP contra la obra en la calle del Comercio

Nos caberos díes, lo mesmo que pasara tamién nel branu caberu, vemos revivir na prensa l’alderique a cerca del botellón en Ribeseya. Asina asistimos ablucaos, a  como asoleyen dende’l gobiernu de Ribeseya y de forma tremendista delles informaciones con un afán un tantu escuru, nun pue ser casualidá, sobre tou si tenemos en cuenta qu’esta campaña xenerándose menos d’una selmana depués de que'lSr. Trevín Lombán, perconocíu represor y un de los cabezaleros del PSOE n’Asturies, llanzara les sos amenaces na prensa nacional d’una futura “regulación” del botellón n’Asturies y dende llueu, una vuelta de tuerca na represión social que tamos careciendo nun va ser la solución, como munchu van algamar treslladar el problema a otra zona o direutamente agravalu, colo que siguiríamos como mínimu igual.

•  En prensa: Andecha tilda de "ocurrencia" el plan ´antibotellón´ de Ribadesella (LA VOZ - 07/09/2008)