Piloña

Home

Piloña

Andecha Astur sofita a los trabayadores de Chupa Chups

Miércoles, 09 de Xunu de 2010 15:46 |

Énte’l pieslle de la fábrica de Chupa Chups en Villamayor (Piloña), anunciáu pola empresa propietaria de la mesma (la multinacional italo-holandesa Perfetti Van Melle) pal prósimu 1 de setiembre, la organización política Andecha Astur quier treslladar públicamente a los y les trabayadores de la mesma la so solidariedá, asina comu la so dimposición de sofitar toes aquelles movilizaciones qu’entamen pa la defensa de los sos puestos de trabayu.

Pa esta organización política la perda de 120 puestos de trabayu fixos, a los qu’hai d’amestar otros 180 temporales n’époques de mayor producción, supón un auténticu escalabru llaboral, económicu y social nun sólo pal conceyu Piloña (nel que la falta d’espectatives llaborales, xunío al avieyamientu de la vecindá, ta faciendo que quede despobláu dafechu), sinón tamién pa la fastera centru-oriental del país, d’au proceden munchos de los trabayadores de la fábrica piloñesa.

Andecha Astur vuelve a pidir la supresión de la Feria d’Abril que s’entama en L’Infiestu

Sábadu, 17 de Abril de 2010 15:52 |

Andecha Astur presentó una moción nel Ayuntamientu Piloña na que se pide al Plenu Municipal la supresión de la Feria d'Abril y se sostituya por una Feria d'Asturianía y Festival Intercélticu.

Dende la organización política Andecha Astur creyemos que l’entamu de la Feria d’Abril de Sevilla en L’Infiestu nun ye casual, nin muncho menos deriváu d’una demanda popular, sinon qu’obedez a una determinada concepción ideolóxica, de marcáu calter españoliegu. Y ye que con ella trátase d’allanar, apriesa y corriendo, el camín nel procesu d’asimilación cultural que vien careciendo Asturies por parte d’un Estáu español qu’emplega determinaos aspeutos de la cultura andaluza pa ello (fenómenu conocíu col nome de flamenquismu). Esti xabaz procesu d’homoxeneización cultural acarretará consecuencies pergraves, a mediu o llargu plazu, consistentes na perda d’identidá comu pueblu y desapaición de les tradiciones culturales asturianes.

N’Andecha Astur tamién creyemos que la cellebración d’una Feria d’Abril en L’Infiestu ye’l determín políticu más vergoñosu, ablucante y antiasturianu, tomáu pol Ayuntamientu Piloña, a lo menos no que cinca a la estaya cultural.

Andecha Astur critica’l cinismu del alcalde Piloña

Martes, 07 de Xunetu de 2009 10:21 |

El sábadu pasáu l’Asociación Cultural de Priede y Samalea entamó nel pueblu de Priede (Piloña) el primer concursu de sidre casero, únicu eventu rellacionáu cola nuesa bébora nacional que se cellebra nel conceyu piloñés. Nel mesmu participaren 36 ellaboradores de sidre y cuntó cola asistencia de cientos de persones. Pesi a ello, la sovención recibía del Ayuntamientu Piloña pola organización del certame foi namás que de 700 €, lo que nun impidió a Camilo Montes, alcalde’l conceyu, dicir que “dende l’Ayuntamientu decantámonos por esti tipu d’actividaes, nes que se premia lo nueso, porque la sidre ye un símbolu d’Asturies”.

Recurrimos les xubíes de sueldu a ediles del Ayuntamientu Piloña

Llunes, 09 de Febreru de 2009 14:19 |

Presentará un recursu de reposición y entamará una campaña de concenciación ciudadano

Andecha Astur considera que les nueves retribuciones a ediles del equipu de gobiernu municipal aprebaes pol consistoriu piloñés suponen una auténtica burlla al conxuntu de los vecinos del conceyu, non solo pol desproporcionáu incrementu salarial nestos terrios momentos de cris económica, sinon porque hai namás unos meses (setiembre del 2008) el PSOE presentó una moción -aprebada por unanimidá- pa «conxelar» los sueldos de los conceyales lliberaos y les retribuciones por dietes. Ello ye lo que val la pallabra del alcalde Camilo Montes, y los alcuerdos del Ayuntamientu Piloña.

En prensa: Montes afirma que ahorra 18.565 euros en sueldos respecto al PP (LNE 10/02/09)