Dende la organización política Andecha Astur sofitamos a la comunidá educativa de Bual y pidimos el caltenimientu de los estudios de Bachilleratu nel IES del conceyu

Esta selmana la Conseyería d’Educación y Ciencia del “Principáu” d’Asturies dio anuncia de la so intención de desaniciar los estudios de Bachilleratu que s’ufierten nel Institutu d’Educación Secundaria Carlos Bousoño, de Bual, al qu’asisten escolinos d’esti conceyu y del vecín d’Eilao. Nesti intre cursen esa formación académica 14 mozos y moces, pero pal cursu 2010/2011 la midía afectaría a 17 escolinos que, de nun camudar les coses, pasaríen a estudiar en Navia.