Andecha Astur denunió ente la Conseyería de Mediu Ambiente y l'Ayuntamientu de Xixón que dende’l díi 14 d’Abril de 2008, la empresa Naval Xixón, tuvo faciendo vertíos industriales direutamente a la mar, de contino, fasta va un par de selmanes.

Andecha Astur denunció que'l procediientu que siguen ye entórnar direutamente a la mar, dende un llateral de la empresa, contenedores d'unes 15 tonelaes de capacidá (suponemos que ye tala capacidá poles grúes que tresporten los contenedores que son pa 20 tonelaes).

El númberu de contenedores entornaos al día ye variable, hubo díes onde s’entornaben 5 contenedores (los que más) y díes nos que namái entornaben ún. 

Pa sofitar la denuncia y poder amosar talos fechos, Andecha Astur alxuntó un na denuncia un vidiu coles imáxenes grabáes, d’un de los munchos vertíos rializaos nesta empresa y que correspuenden al díi 22 d’Abril del 2008.

Nes denuncies solícitamos que seyan investigaos talos fechos, cometíos pola empresa Naval Xixón, al oxetu d’aplicar les aiciones llegales que s’estimen afayaices, y se dea fin a esti tipu d’actuaciones que consideramos costitúin un delitu mediuambiental.