MARCU ASTURIANU DE RELLACIONES LLABORALES

38. Plenes competencies del Gobiernu asturianu pa regular un Marcu Asturianu de Rellaciones Llaborales.

39. Alcuerdu Asturianu pol Emplegu de Calidá, un pautu que guete la reactivación económico, alite l’emplegu de calidá, llende los despidos ylluche escontra la precariedá y probitú de la clas trabayaora.

40. Salariu Mínimu Interprofesional de 1.200 €.

41. Selmana llaboral de 35 hores, ensin mengua salarial.

42. Refacer dafechu’l Sistema Públicu Asturianu d’Emplegu, desburocratizándolu y faciendo d’elli un braeru sirviciu públicu, eficaz y referencial en varies estayes: desendolcar polítiques d’emplegu adautaes a la nuesa realidá, formar a los trabayaores, collaborar con entidaes llocales d’emplegu…

43. Algamar les competencies necesaries pa desaniciar les axencies privaes de colocación.

44. Opción d’espropiación pública sobro les grandes empreses declaraes en quiebra, facilitando l’Alministración que los trabayaores puean participar na xestión de les mesmes.

45. Prioridá presupuestario pa la sovención de la contratación mozo en seutores nueos, teunolóxicos o estratéxicos.

46. Alitar llínies de contratación n’empreses que permitan a la mocedá emancipase y evitar la precariedá: contratos indefiníos, compromisu permanencia de 3 años, suxetos a conveniu propiu, salariu superior a 1.200 € (14 pagues), procesos de formación y adautación al puestu trabayu.

47. Planes especiales pa comarques con mayores tases de paru.

48. Favorecer l’entamu del autoemplegu baxo la fórmula de coperativa llaboral.

49. Fondos públicos pa la incorporación de los trabayaores al capital y a la xestión de les empreses, especialmente aquelles que s’afayen en cris.

50. Reconocer los drechos sociales y llaborales de les presones becaries, garantizando la so equiparación salarial al SMI.

51. Promover les iniciatives moces d’emprendimientu, coperativismu, proyeutos d’I+D+I ya iniciatives nos conceyos rurales, que favorezan el relevu xeneracional.

52. Entamar un Sirviciu d’Asesoramientu públicu a la mocedá que presente planes emprendeores y de coperativismu llaboral, con posibilidá de recibir sovenciones parciales pa les sos iniciatives.

53. Regular el seutor llaboral de los repartiores de plataformes dixitales (riders), cola participación de los representantes de los mesmos, pa que dispongan d’un marcu llaboral que, respetando los sos criterios organizativos, puea garantiza-yos unes condiciones llaborales dignes.

54. Torgar que les empreses socontratistes de contratos de trabayu de calter temporal por obra y sirviciu presten sirvicios a empreses principales p’atender actividaes que son ordinaries y estructurales de les propies empreses principales, obligando a éstes a contratar pa ello presonal propiu.

55. Revisión de la figura’l contratu temporal y llimitación estrema del so usu.

56. Reforciar la ispeición de la contratación temporal pa sancionar comu ye mester les irregularidaes nesta materia. Endurecimientu les sanciones nestos casos.

57. Redefinir el modelu d’Ispeición de Trabayu, dotándola de los recursos homanos y presupuestarios suficientes pa cumplir con efeutividá la so fonción, torgando posibles casos d’innaición o connivencia con intereses patronales, de mou que s’asegure’l cumplimientu la normativa llaboral y les normes de prevención de riesgos llaborales.