El Gobiernu del ‘Principado’ ta enfotáu en presentar la industria armamentística como motor d’Asturies. Esa decisión nun ye neutra nin técnica: ye una opción política inalmisible ética y moralmente
Cuando’l presidente Adrián Barbón fala d’un sector con “efectu tractor y capacidád’arrastre” sobro la economía asturiana, ta normalizando la industria de la guerra y presentándola como solución pa los problemes del país. Esa propaganda oculta la realidá que vemos tolos díis nos medios de comunicación: la producción d’armamentu tien implicaciones étiques, sociales y humanes innegables.
Ética en xuegu: la industria de la guerra
Cualisquier blindáu, proyectil o sistema de combate producíun’Asturies nun tien otra función qu’alimentar conflictos y destrucción. Convertir la guerra n’unmodelu de desendolcu económicu ye éticamente inaceptable.
Arriendes d’ello esi modelu nun ye propiu nin autónomu. Depende totalmente de contratos y prioridaes marcaespor multinacionales en Madrid.El Gobiernu del ‘Principado’ fai cola énte’ lMinisteriu de Defensa p’asegurar cargues de trabayu, reconociendo que l’únicu motor real son los presupuestos militares del Estáu y qu’Asturies actúa como peón, non como suxetu activu.
Ye una repetición de la nuesa historia industrial: dependencia, sumisión y vulnerabilidá, pero agora con una derivada belicista, inmoral, ensin ética dala.
Ausencia de proyeutu social, políticu y económicu
Mientras se promociona la industria armamentística, nuhai plan rial pal país. Caltiénense polítiques de desindustrialización, de destruición del texíu socio-económiciu tradicional, afóndasna precarización social y económica, na emigracióforciada de la mocedá, el despoblamientu rural, la privatización de la ensiñanza y la sanidá, la masificación turística, la xentrificación, la falta vivienda..
Nun hai dengún proyeutu, namás una consigna “L’armamentu ye la salvación”. Nunhai estratexa de futuru, nun hai visión de país.
Asturies necesita vida, non industria de la muerte
L’alternativa existe y ye clara:
- industria civil y tecnoloxíapa fines pacíficos
- transición ecolóxica
- enerxía, agroindustria y soberanía alimentaria
- economía social y cooperativa
- inversión pública en bientar
- inversión pública en bones comunicaciones
Asturies tien capacidá humana y económica paconstruyir un futuru dignu, pero pa eso fai falta soberanía, y un gobiernu que respuenda a los intereses asturianos y non a los mandatos de Madrid y les multinacionales.
Andecha Astur desixe refugarculisquier proyeutu d’implantación y/o desendolcu d’industries armamentístiques n’Asturies, que nun tienen otra fin qu’acabar cola vida de persones, nos más de los casos población civil, talamente como tamos viendo en Gaza y Cisjordania día ente día.
Ye preciso, abrir un debate públicu sobro’lmodelu de país que queremos, priorizar inversión pa la vida, non pa la guerra, y sobro too, defender un proyeutu políticu, social y económicu soberanu, al serviciu d’Asturiesy del Pueblu Asturianu.
