Inicio > Sin categoría > 5. Apostamos pola configuración d’un Espaciu Económicu Asturianu
Sin categoría

5. Apostamos pola configuración d’un Espaciu Económicu Asturianu

ASTURIES NES TOS MANES

5. Apostamos pola configuración d’un Espaciu Económicu Asturianu, definíu pola soberanía sobro los recursos y la xestión y nel que se desendolquen polítiques económiques sofitaes en criterios sociales, d’interés públicu y nacional, equitativos, de sostenibilidá medioambiental, ayenos al imperiu del porgüeyu financieru y a l’acumulación de capital en manes de la oligarquía y los consorcios tresnacionales.

 

VER RESTU PROPUESTES 

 

One thought on “5. Apostamos pola configuración d’un Espaciu Económicu Asturianu

  1. Una propuesta bien afayaiza pa construir esti Espaciu Económicu Asturianu, podría ser la de la Renta Básica pa les persones iguales.
    La Renta Básica pa les persones iguales (RBis) ye’l drechu que tien cá ciudadanu a recibir unos ingresos periódicos, qu’aseguren la cobertoria de les sos necesidaes materiales independientemente de cual seya la so situación dientru de la esfera productiva.

    • Ye individual, recibela cada persona. Esto evita’l control y el gastu burocráticu públicu.
    • Ye universal, onde’l perceptor nun tien qu’apurrir nenguna contribución previa. Partimos de la xusticia non contributiva, tamos en contra de la xusticia meritocrática; supon la contrapartida del so derechu como ciudadanu a los recursos naturales, la conocencia histórica coleutiva y l’aplicación de la so capacidá creativa de trabayu, toos estos factores granibles apropiaos y controlaos privadamente polos empresarios.
    • Ye incondicional, nel sentíu de que nun tien en cuenta otra clase d’ingresos del beneficiariu, nin se-y reclama nenguna contraprestación llaboral a cambéu. Por ser un drechu ciudadanu, nun fai discriminación ninguna ente les persones.
    • La cantidá que va percibir cada persona va ser igual a la considerada como estragal de probeza; ye aquella cuantía suficiente pa satisfaer les necesidaes materiales; esto va evitar que la persona siga viviendo situaciones de probeza.
    Esti drechu refunde nun solu conceutu la mayoría les prestaciones del sistema actual; nun les suprime.
    • Parte de la cantidá a la que se tien drechu, serviría pa crear un Fondu Común de Renta Básica, que valdría pa impulsar la participación ciudadana al traviés de la comunidá, na xestión d’esti fondu. Y taría destinau a financiar bienes y servicios d’usu coleutivu.

    Esti drechu, y la correspondiente cantidá que s’asigne a la mesma, supon un colchón que permite al ciudadanu y al trabayador defendese meyor de la continxencia d’un despidu llibre y gratuiu, de l’arbitrariedá y l’incertidume que la patronal exerce al traviés de los contratos temporales, d’una mayor capacidá p’axustar individual y coleutivamente niveles salariales, condiciones de trabayu, vacaciones, horarios, movilidá funcional y xeográfica, flexibilidá, etc. De la mesma, a los sindicatos daría-yos un mayor poder pa enfrentase a la patronal, especialmente cuando tuvieren que recurrir a la fuelga, ya que la cantidá recibía conviertese nestes situaciones de conflictu nun fondu de resistencia que pue utilizar cada trabayador escontra’l mieu al despidu, al paru, a la perda de les remuneraciones salariales. Bona parte de la economía somorguiada integrariase na formal, al perder la posibilidá de pagar salarios per debaxo del estragal de probeza, y al aumentar la inspección escontra’l fraude fiscal.

FAI UNA PROPUESTA

La to direición de corréu lletrónicu nun sedrá espublizada. Los campos obligatorios tan marcaos con *