Como consecuencia de los aconceyamientos qu’Andecha Astur vien calteniendo con representantes d’estremaos colleutivos del soberanismu/asturianismu, y, tres compartir delles reflexones comunes sobro la situación sociopolítico en que se topa Asturies anguañu, Andecha Astur robló con una representación de dichos colleutivos los compromisos que vienen darréu:
- Afondar na llinia política que permita afitar un frente ampliu, de puntos mínimos, qu’ufra a les asturianes y asturianos una opción política que trabaye con determín pola reconocencia de la soberanía d’Asturies y los drechos sociales y políticos de la so ciudadanía.
- Trabayar a comuña pa rentabilizar afayaízamente la representación político que la coallición “AGORA REPÚBLIQUES”, de la que forma parte Andecha Astur, algamó nel Congresu y nel Senáu españoles y la que va algamar darréu nel Parllamentu Européu.
- Entamar un grupu estable de trabayu y cordinación que, cola so xera, garantice’l cumplimientu d’estos puntos apautaos.
- Faer estensible esta propuesta y compromisu a les presones y/o organizaciones que compartan los principios de soberanía política asturiana y defensa de los drechos individuales y colleutivos que conformen esti frente ampliu.
Por Andecha Astur roblaron l’alcuerdu’l Secretariu Xeneral de la organización, Paulo Arboleya y la candidata a la Xunta Xeneral, Llucía Fernández, y pol seutor asturianista / soberanista Xosé Avelino Devesa, Santiago Díaz y José Antonio Fernández
One thought on “Andecha Astur robló un alcuerdu col soberanismu/asturianismu”