Inicio > Asturies > Peaxe Non, ¡Ye un robu!
AsturiesPortada

Peaxe Non, ¡Ye un robu!

Andecha Astur anicia una campaña escontra’l peaxe del Güerna, en defensa del Futuru d’Asturies

VER SEMEYES

Les continues promeses que, tantu dende’l gobiernu del estáu comu dende’l “Principado” lleven repitiéndose va más de 12 años, tienen que camudar darréu en rialidaes que finen con esta discriminación hestórica y permitan a Asturies dir a la escontra de la so recuperación económica y  d’un futuru prósperu

L’autopista’l Güerna ye una infracadarma vital p’Asturies, única comunicación cola Meseta y poro principal pasu imprescindible pal comerciu exterior por tierra, que yá Zapatero prometió lliberar de peaxe nel 2004, lliberación qu’elleición tres elleición el PSOE ufierta dientru’l so programa y qu’a la hora de la verdá escaez dafechu, dándose’l casu de que l’actual gobiernu de Barbón pretende que mos conformemos con una cenciella rebaxa.

El fechu de que, entantu nel restu l’Estáu español les autopistes van lliberalizándose, n’Asturies non solo seguimos pagando, sinon que pagamos más añu ente añu ye una nidia discriminación hacia los asturianos. Pa nos, esto nun ye casual, sinon que s’enxerta nuna política que va aisllando a Asturies per tierra, mar y aire, incluso per interné, torgando al másimu cualisquier oportunidá de recuperación a tolos niveles que carecemos y faciendo imposible’l desendolcu económicu. Cenciellamente, tan fundiendo Asturies.

Dende Andecha Astur queremos dar voz al descontentu de tolos asturianos que tenemos que carecer esta inxusticia, polo qu’ayeri aniciamos la campaña “Peaxe Non, ¡Ye un robu!”, consistente en volantines desplicatives, pancartes, cartelos y pegadielles de denuncia d’esta situación, que se repartieron nes gasolineres y puntos de descansu de l’autopista y nes pontes previes a la mesma, en L.lena.

La campaña ta cuntando col sofitu unánime de los usuarios de l’autopista que nun dubiaron n’espresalo tocando’l claxon y saludando dende los vehículos.

2 thoughts on “Peaxe Non, ¡Ye un robu!

Deja un comentario

Tu dirección de correo electrónico no será publicada. Los campos obligatorios están marcados con *