Dende Andecha Astur queremos sopelexar públicamente:
- El nuesu respaldu más firme a la movilización entamada por Asturies Antitaurina esti domingu 17 d’agostu, que partirá a les 16:30 h pola Plazuela de San Miguel, en Xixón. Esta protesta en demanda de la abolición de les corríes de toros representa el sentir mayoritariu de la sociedá asturiana, que yá lo espresó con más de 30.000 firmes na ILP “No es mi cultura”.
- Lo que ta en xuegu nun ye namás que un eventu puntual; ye una cuetión de dignidá colleutiva y coherencia cultural. Asturies ye tierrra de vida, non de muerte nin d’esfrutar cola torturra pública d’animales. La tauromaquia nun forma parte de la identidá asturiana y ye vivida pola mayoría social como lo que ye: maltratu animal.
- Nun se pue escaecer que cuando n’avientu del 2021 se retiró a la empresa Circuitos Taurinos el permisu d’usu de la Plaza de Toros de Xixón, yá alvertimos de que se taba actuando en falsu: nun se prohibieron los toros, como se quinxo presentar como medaya, sinón que namás se pausó la so cellebración por un tecnicismu llegal. Y eso non solo porque la llexislación española impide prohibiles al tar consideraos, nel artículu 46 de la Constitución, como “patrimoniu cultural d’España dignu d’especial protección”, sinon porque nun hai voluntá política pa ello. Ehí ta’l casu de Canaries y Cataluña como exemplu.
- Valoramos positivamente la creatividá y contundencia de les acciones previes, como la perfomance nos Xardinos del Náuticu o la campaña con camión LED, que llevaron el mensaxe antitauriína toes partes, ponendo encima de la mesa que la tauromaquia ye violencia y maltratu. N’Asturies les fiestes cellébrense con vida, non con sangre.
Ello asina, facemos un llamáu a la sociedá asturiana a participar activamente nesta movilización y a dar un pasu allantre: nin un pasu atrás énte la violencia y el maltratu animal.
