La denuncia ‘por delitu d’odiu’ que-yos presentó l’asociación pro-sionista ‘Movimiento contra la intolerancia’ ye un atentáu escontra la llibertá d’espresión y un intentu de tapecer el xenocidiu en Gaza
Dende Andecha Astur queremos manifestar lo siguiente:
- Respaldu absolutu a Nortes, mediu de comunicación que vien aportando pluralidá, análisis críticu y información de calidá al panorama mediáticu asturianu. El so compromisu con dar voz a los pueblos oprimíos y denunciar les inxusticies ye exemplar.
- La denuncia presentada por una organización “pro-israelí” contra Nortes, acusándolo de “delitu d’odio”, ye un intentu descaráu de silenciar y criminalizar la crítica al Estáu sionista, que nesti momentu ta perpetrando un xenocidiu escontra’l pueblu palestín en Gaza, con decenes de miles de víctimes civiles, incluyíos munchos neños y neñes.
- Acusar de “odiu” a quien denuncia crímenes de guerra y violaciones sistemátiques de los derechos humanos ye ponese de parte del gobiernu xenocida de Netanyahu
- Estes maniobres formen parte d’una estratexa internacional pa acallar los medios y voces que nun acepten la narrativa oficial sionista y que s’atrevan a denunciar la ocupación, l apartheid y la llimpieza étnica que carez Palestina dende hai más de 75 años.
- Andecha Astur perafita’l so compromisu col derechu de llibertá d’espresión, la defensa de los medios independientes y el sofitu a la llucha del pueblu palestín pola llibertá y la soberanía.
- Facemos un llamáu a la sociedá asturiana a movilizase escontra’l xenocidiu y escontra’l silenciamientu cómpliz, y a nun permitir que l’amedrentamientu xudicial o mediáticu tape la verdá.
Dengún ataque va facemos achantar énte’l crime. Palestina vencerá.
