Dende Andecha Astur llamentamos fondamente’l fallecimientu de Nel Ánxel Palacio, históricu referente del movimientu vecinal n’Asturies y militante venceyáu al nuesu proyeutu políticu.
Nel Ánxel Palacio foi una figura clave na defensa de los intereses vecinales de Carbayín (Siero), onde destacó pola so entrega constante al bien común. El so compromisu políticu materializóse tamién na so participación nes candidatures d’Andecha Astur, ente elles la presentada a la Xunta Xeneral nel añu 2003.
Activista coherente y constante, defendió con convicción la soberanía d’Asturies, la oficialidá de la llingua asturiana y la xusticia social. La so perda xenera un fondón pesar en Carbayín y nel conxuntu del nacionalismu asturianu.
Dende Andecha Astur tresmitimos el nuesu pésame a la familia y amistaes, y perafitamos el compromisu de siguir la llucha pola que Nel Ánxel Palacio trabayó a lo llargo de tola so vida.
