Inicio > Conceyos > Nel casu Kaype Andecha Astur desixe que respuendan económica y llegalmente los responsables, y non los llaniscos
Conceyos

Nel casu Kaype Andecha Astur desixe que respuendan económica y llegalmente los responsables, y non los llaniscos

Énte la cantidá solicitada polos propietarios del Hotel Kaype en compensación pola anulación de llicencies que motivó’l derribu del complexu, y que podríe sobropasar los 19 millones d’euros, Andecha Astur desixe que l’Ayuntamientu Llanes tome les midíes afayaíces pa que seyan los responsables de la concesión d’esa llicencia inregular los que respuendan económica y llegalmente.

Pretender que los llaniscos tean que responder económicamente poles consecuencies de la concesión una llicencia municipal d’agrupación de finques sobro les que se llevantó l’ampliación del hotel en primer llinia de playa, anulada dempués pol TSXA, resulta inaceutable dafechu.

La entós alcaldesa, Dolores Álvarez,  y José Herrero (diputada rexonal pol PSOE y secretariu xeneral del PSOE llaniscu respeutivamente anguañu), xunto con otros posibles responsables son los que tienen d’asumir, non solo política, sinon económica y llegalmente les consecuencies de les sos actuaciones nesti casu, direutamente rellacionáu col procesu especulativu, de masificación turística y de política del “pelotazu” entamáu pol PSOE nesti conceyu, que tuvo la másima espresión nel Plan Xeneral d’Ordenamientu Urbanu qu’afortunadamente Andecha Astur foi quien a anular nos tirbunales.

FAI UNA PROPUESTA

La to direición de corréu lletrónicu nun sedrá espublizada. Los campos obligatorios tan marcaos con *