Por presuntu incumplimientu competencial y dañu a drechos educativos básicos de vecinos d’Aguanes (Allande)

VER VIDIU

Andecha Astur acaba pidir a la Fiscalía Superior d’Asturies qu’abra dilixencies pola presunta responsabilidá civil o penal de Fernando Lastra (Conseyeru d’Infraestructures, Ordenación del Territoriu y Mediu Ambiente, PSOE) y José Antonio Mesa Pieiga (alcalde d’Allande, PSOE), pol fechu de que pudieren tar incumpliendo les sos obligaciones competenciales y dañando drechos básicos de vecinos del conceyu Allande. [Testu íntegru denuncia]

El casu céntrase nel tremendu abandonu de la pista d’acesu a la Sierra El Valledor, ente les llocalidaes de Robledo y Aguanes (Allande). La situación ye tala que se ta poniendo en pelligru a vecinos, ganaeros, trabayaores forestales, carteros, trabayaores de telecomunicaciones... que se ven na obligación de percorrela. Amás, Fernando Lasta podría tar torgando drechos educativos básicos a dos families residentes d’Aguanes, al ñegase a que’l Consorciu de Tresportes proceda a llicitar la contratación d’un vehículu especial amañosu pa tarrenos montañosos, col envís d’atender la ruta de tresporte escolar que la Conseyería d’Educación reconoz ente les llocalidaes d’Aguanes y Robledo.  Al nun unviar tresporte escolar fasta Aguanes, les families vense obligaes a treslladar elles mesmes a los sos fíos (12 km diarios) per una pista perpelligrosa, pa que puean coyer en Robledo l’autocar escolar que los lleva al Colexu Berducedo. Fernando Lastra (finura y democracia ente too) llegó calificar a estos vecinos d’antisistema y a menacialos públicamente cola intervención de la Fiscalía de Menores si los neños nun diben a escuela poles males condiciones de la pista, sobro too nel iviernu.

La segunda selmana de la campaña inclúi la rialización d'un actu republicanu en L'Infiestu, esti prósimu sábadu 16

BAXAR LA FUEYA FIRMES / CÓMO COLLABORAR COLA CAMPAÑA

La campaña p'algamar 10.000 firmes pola República (entamada por mor de la llei elleutoral del Reinu d'España que mos obliga a sacar avales pa poder exercer el drechu democráticu a presentamos a les elleiciones estatales) va per bon camín, y a estes altures van cumpliéndose los oxetivos, por más qu'enxamás nun sobre dengún sofitu. 

Concretamente esti sábadu 16 de marzu cellebrarémos un Actu Republicanu en L'Infiestu -Piloña- con recoyía de firmes, y onde habrá tamién un conciertín a cargu del grupu Fontoria Folk, na Cervercería La Traviesa, una bona ocasión pa dar un reblagu nesta campaña, y pa esfrutar colos collacios.

Hai de recordar qu' Andecha Astur va presentase de la man de la coallición “Agora Repúbliques”, xunto con ERC, EHBildu, BNG, Puyalón y Ahora Canarias. Pero pa ello, y tres la postrer reforma de la llei elleutoral, los partíos políticos ensin representación nestes istituciones tenemos que consiguir avales, nel nuesu casu precisamos recoyer unes 1.000 firmes de presones censaes n’Asturies.

PRÓSIMES CONVOCATORIES DE LA CAMPAÑA

Güei a les ochu la tardi, nel Clú de Prensa de LNE, Andecha Astur espondrá la so postura respeutu a la conocía como Ária Metropolitana Cientral, un analís fechu dende'l soberanismu asturianu frente a proyeutos provincianizaores.

Llucía Fernández, candidata d'Andecha Astur al Congresu español, sedrá quien presente l'actu cincando dellos aspeutos de la problemática qu'implica l'Ária Metropolitana, cuntándose asina mesmo cola participación de David M. Rivas, profesor d’Estructura económica na Universidá Autónoma de Madrí, Roberto González Quevedo, doctor n’Antropoloxía y Xose Nel Riesgo, Xeógrafu y espertu’n Desendolcu Llocal, qu'analizarán el mencionáu proeyutu d'Ária Metropolitana, dende los sos respeutivos campos.

L’actu tendrá llugar un alderique abiertu esti llunes 11 de marzu a les ochu la tardi nel Clú de Prensa de La Nueva España, na Plaza Monte de Piedá 2, en Xixón, y darréu del mesmu los asistentes podrán intervenir pa facer les sos propuestes y/o plantegar les sos duldes a los espertos.

El Clú de Prensa de LNE foi l'escenariu onde'l soberanismu asturianu espunxo la so postura sobro l'Ária Metropolitana Cientral, denunciando la falta d'una visión integral d'Asturies, el desdexamientu de les esnales d'Asturies y el mediu rural, y la intención del PSOE de faer d'ella un auténticu rucaeru.

Nel actu, que cuntó con una perbona participación de públicu, participaren Llucía Fernández, candidata d'Andecha Astur al Congresu español, David M. Rivas, profesor d’Estructura económica na Universidá Autónoma de Madrí, Roberto González Quevedo, doctor n’Antropoloxía y Xose Nel Riesgo, Xeógrafu y espertu’n Desendolcu Llocal. Les intervenciones fueron especialmente interesantes y espeyaren perbien la situación a la que les polítiques del PSOE nel "Principado" tan llevando al nuesu país, tantu nel tarrén del Ordenamientu del Territoriu, como económicu y social/antropolóxicu.

Nesi sen, Llucía Fernández desplicó la postura d'Andecha Astur al respeutu, que podríemos resumir nos puntos que vienen darréu:

1º.- Andecha Astur nun s’opón per principiu al Ária Metropolitana Cientral como conceutu, pero considera que cualisquier proyeutu d’estes carauterístiques tien que:

La campaña ¡10.000 firmes pola República! ta algamando un impresionante grau de participación popular

Pero tovía mos falta más pa consiguir sacar en pocu más de dos selmanes los avales que precisamos pa poder presentar la nuesa candidatura al Congresu y Senáu español dientru la coallición Agora Repúbliques, por eso pedímosvos la vuesa collaboración, porque tamos ciertos qu'hai más de 10.000 asturianes y asturianos dimpustes a apostar pola nuesa República, pola República Asturiana.

 Hai estremaes formes de collaborar cola campaña: