Inicio > Conceyos > Bimenes, la Oficialidá agora más que nunca
Conceyos

Bimenes, la Oficialidá agora más que nunca

Dende Andecha Astur facemos un llamamientu al Pueblu Asturianu a dir a Bimenes esti sábadu, 9 de xunu, y participar na XXII fiesta de la Oficialidá de Bimenes

Mientres l’alderique sobro la Oficialidá ta más encerriscáu que nunca, con postures estremes enfrentaes y ataques a los drechos llingüísticos que rocen l’esperpentu, al tiempu que la indefinición de los partíos con braeru poder pa declarar la Oficialidá tiénenmos dando vueltes en reondo pente declaraciones valeres y contradiciones internes, más de dos décades d’Oficialidá en Bimenes son la preba apalpable de que non solo ye posible, sinón positivo.

Toles presiones carecies nun foron abondo pa que’l Conceyu Bimenes reculare, se rindiere o se conformare con medies tintes. Exemplu de coherencia y referencia obligao nel avance na reconocencia de los drechos llingüísticos del Pueblu Asturianu, Bimenes marca un camín a siguir: Oficialidá, de pallabra y de fechu, ye l’únicu camín aceutable.

La Oficialidá ye un conceutu llegal claru y concretu que nun almite interpretaciones adautaes al gustu: los drecho snun son amables o repunantes, muncho menos cafiantes o violentos, seique compréndese que pa determinaos presonaxes anclaos nun pasáu escosu puean resultar molestos. Tampocu nun son votables, eso ye lo qu’estrema un drechu -daqué intrínseco a la dignidá de la presona- d’una decisión -que pue ser o non-. Poro, dende Andecha, aprofitamos esta cellebración pa desixir la fin de la discriminación que los asturianos carecemos y la reconocencia darréu de la nuesa llingua nacional como oficial, con toles consecuencies ya ensin rodeos.

Ello, asina, encamentamos a la participación nos actos entamaos en Bimene pa esti sábadu 9 de Xunu, de magar les 12 del meudíi.

Deja una respuesta

Tu dirección de correo electrónico no será publicada. Los campos obligatorios están marcados con *