Inicio > Asturies > Andecha Astur propón al Conceyu Llangréu una declaración a favor de la República Asturiana
Asturies

Andecha Astur propón al Conceyu Llangréu una declaración a favor de la República Asturiana

Andecha Astur vien de presentar nel Ayuntamientu Llangréu una propuesta pa que, coincidiendo cola cellebración del Díi de la Costitución española, faiga una declaración refugando la llexitimidá de la costitución española de 1978 nel territoriu asturianu, faiga una declaración a favor de la República Asturiana y rialice un actu d’homenaxe, coincidiendo cola cellebración del Díi de la Costitución española, na Cai Belarmino Tomás, llantando una asturina nel mesmu.

 Asina mesmo, pídese-y que desixa al “Principado” l’entamu d’alderiques colos Conceyos asturianos pa xestionar el procesu costituyente d’una República Asturiana que tenga comu referente’l caberu marcu llegal que tuvo Asturies, el del Conseyu Soberanu d’Asturies de 1937, presidíu por Belarmino Tomás; un Conseyu Soberanu que foi menospreciáu pola República española, desfechu pola fuercia pol réxime facista de Franco ya ignoráu vergoñosamente nos tiempos de la cabera reistauración de la dinastía borbónica, heredera del réxime franquista.

Andecha Astur camienta que yá ta bien de que dende partíos como IU siga reclamándose la República española, al empar que sofita la cellebración d’una Costitución Española monárquica, que nun reconoz los drechos colleutivos del Pueblu Asturianu;  y escaez que la llexitimidá democrática asturiana tien una identidá propia baxo la forma d’una República Asturiana, espresión actualizada del Conseyu Soberanu.

Deja una respuesta

Tu dirección de correo electrónico no será publicada. Los campos obligatorios están marcados con *