Inicio > Asturies > Andecha Astur Xixón presenta les sos propuestes pa Tabacalera, n’alderique col restu de partios
AsturiesConceyosMás noticiesPortada

Andecha Astur Xixón presenta les sos propuestes pa Tabacalera, n’alderique col restu de partios

La candidata a l’alcaldía de Xixón por ANDECHA ASTUR, Llucía Fernández, prioriza la voluntá de los vecinos de Cimavilla sobro los intereses políticos na ellaboración del Plan d’Usu de Tabacalera

La participación ciudadano y el drechu de les persones que viven nun llugar a decidir sobro el so futuru ta na bas de la nuesa organización, polo que ta nidio que nesti casu consideramos que los que tienen que ser protagonistes na toma de decisiones sobre lo que se fae en Tabacalera, son los vecinos de Cimavilla. Nesi sen, desplicó la candidata, apurrimos el nuesu puntu de vista de manera totalmente abierta a les aportaciones ciudadanes.

Afitaes estes bases, y poniéndomos nel supuestu, por agora non real de qu’hai un presupuestu pa entamar col plan,  Llucía Fernández pasó a valorar les necesidaes, tantu de la ciudá de Xixón comu del Barriu de Cimavilla, que podríen ser cubiertes por esti hestóricu edificiu, padremuñu emportante de la hestoria de Xixón y que por llei ye d’obligáu usu cultural.

Per un llau, recalcó na necesidá -tanto en Xixón en xeneral comu en Cimavilla en particular- «d’espacios d’actuación y reunión de la ciudadanía, espacios propios, autoxestionaos, nos que tengan cabida la creación y l’arte, pero tamién l’alcuentru, l’alderique y l’ociu.» Apeló entós a la peculiar idiosincracia del calter playu, que nun tien de perdese diluyía nel turismu aleatoriu, y a la necesidá de que los vecinos d’esti míticu barriu cunten con un espaciu propiu nel que s’espresar y nel que buscar soluciones creatives a les necesidaes del mesmu.

Al tiempu, nun dexó de lláu la idega d’un muséu de la ciUdá qu’aprofitare les obres ya desendolcaes nesi sen y que diere cabida a les ayalgues arqueolóxiques, los resclavos históricos de la ciudá -na que Cimavilla tien parte importante- y les obres d’arte, reconociendo que la tabacalera, tantu poles sos carauterístiques comu pola so ubicación, ye un llugar perafayaízu pa ello.

Llegaos a esti puntu, Llucía dio la so visión de Muséu, afitando que dambos proyeutos son compatibles y posibles a un tiempu siempres qu’ampliemos el conceutu de muséu acullá del meru exerciciu espositor. La posibilidá d’un espaciu museísticu nel que puedan contemplase les obres d’arte al mesmu tiempu que se desendolca con normalidá la vida social del barriu pente les sos muries complétase cola propuesta, non recoyía por dengún de los otros partidos presentes nel alderique, de la cesión d’un espaciu a la mocedá del barriu, un llugar nel que, de manera autoxestionada y non tutelada, les nueves xeneraciones puedan tener una opción d’ociu estremada y la oportunidá de deprender a organizase y a desendolcar los sos propios proyeutos.

 

Deja una respuesta

Tu dirección de correo electrónico no será publicada. Los campos obligatorios están marcados con *