Inicio > Conceyos > Propuestes pa la Renta Social del conceyu Xixón
ConceyosLlaboralPortada

Propuestes pa la Renta Social del conceyu Xixón

ANDECHA ASTUR denuncia la ineficiencia del procedimientu de concesión de la Renta Social de Conceyu y propón midíes que garanticen tantu la continuidá d’esta aída como la so correuta xestión

 ANDECHA ASTUR recuerda qu’a díi de güei siguen ensin resolver la mayoría de les solicitúes de Renta Social tramitaes l’añu pasáu, correspondientes al 2.018. Ello ye que pesia de que’l plazu d’entrega de les mesmes foi fasta’l cincu d’Avientu, güei mesmo espublizáronse nueves llistes, correspondientes a les solicitúes cursaes los díis 7 y 8 de Payares, ello ye, que nestos siete meses xestionáronse namás les correspondientes a los trés primeros de los 30 díis nos que se recoyó la documentación.

La Renta Social de Conceyu, o “la tarxeta” como se conoz ente los sos beneficiarios, foi ensin dulda un de los meyores proyeutos sociales puestos en marcha nel conceyu Xixón nos postreros años, beneficiando a un tiempu a les families en situación de necesidá y revitalizando el comerciu llocal.

Sicasí, la llentitú na so xestión burocrática y el pelegrín escurrimientu de concedela en función del orde d’entrega de la solicitú llastren esta aída, perxudicando seriamente a les presones que más la precisen.

Poro, ANDECHA ASTUR demanda que s’asigne más presonal a la so xestión y se simplifique’l procedimientu pa la so concesión, priorizando en tou momentu a aquellos ciudadanos que s’atopen nuna situación más desfavorecía, non a los que primero enllenaron un documentu. Nesi sen, consideramos imprescindible dar prioridá a les families monomarentales/monoparentales, por ser estadísticamente les más afeutaes pola probitú.

Solicitamos amás la eliminación del puntu 3.6 A, nel que se recueye como requisitu “que la UECI tenga unos ingresos iguales o superiores a la cuantía que figura nel siguiente cuadru” por considerar qu’unos ingresos demasiadamente baxos nun pue ser óbice pa recibir una aída destinada, precisamente, a aquellos en mayor riesgu d’esclusión.

Finalmente, incidimos na necesidá d’exercer un terriu control pa evitar tanto la concesión inadecuao como’l so usu fraudulentu, sancionando nestos casos tantu al beneficiariu qu’incurrió en fraude como al establecimientu qu’actuó como cómpliz.

3 thoughts on “Propuestes pa la Renta Social del conceyu Xixón

  1. Gorka

    Que nada tenga que ver el tener deudas con hacienda para la concesión de la tarjeta,ya que si se tienen deudas es por falta de dinero,no por gusto. Gracias y puxa Asturies!!

  2. Herminia Jimenez

    Creo q se podria valorar la situación familiar además de los ingresos x q a mi se me a denegado las 2 veces q la solicite estoy separada con una menor a mi cargo y mi ex me pasa la manutencion y cobro el salario social lo q mi ex me pasa son 150 euros x eso se me deniega cuando estoy pagando 300 de hipoteca y 70 de comunidad aparte luz y demás… se q se an concendido apersonas con una vivienda de Protección oficial q pagan 80 euros y q ademas de eso venden en mercadillo osea salario mas mercadillo y pagando 80 de casa me parece injusto

  3. Jesusa

    Creo q se podria valorar la situación familiar además de los ingresos x q a mi se me a denegado las 2 veces q la solicite estoy separada con una menor a mi cargo y mi ex me pasa la manutencion y cobro el salario social lo q mi ex me pasa son 150 euros x eso se me deniega cuando estoy pagando 300 de hipoteca y 70 de comunidad aparte luz y demás… se q se an concendido apersonas con una vivienda de Protección oficial q pagan 80 euros y q ademas de eso venden en mercadillo osea salario mas mercadillo y pagando 80 de casa me parece injusto

Responder a Jesusa Cancelar la respuesta

Tu dirección de correo electrónico no será publicada. Los campos obligatorios están marcados con *