Inicio > Asturies > Frente ampliu, analís y planificación
AsturiesPortada

Frente ampliu, analís y planificación

El Conceyu xeneral del 18 de payares aprebó la redaición final de la valoración de les elleiciones del 10P y escomenzó a desendolcar el frente ampliu.

L’aconceyamientu, que tien calter abiertu a la militancia y a los simpatizantes aprebó la redaición final tres incluyir n’elli la tovía mayor devaluación de la función d’oposición política de la sucursal de Podemos n’Asturies tres l’acabante pautu a nivel estatal col PSOE.

Nesi sen destacóse como dempués d’incumplir les promeses d’auditar la delda y fiscalizar les istituciones, da-y el gobiernu al PSOE en munchos conceyos nes pasaes elleiciones, y acabar aprebando los presupuestos a Javier Fernández, la situación de la sucursal asturiana de Podemos na so ya escasa oposición política vese fóndamente afeutada pol so pautu a nivel estatal con un PSOE que vien de ser condergáu n’Andalucía por corrución.

Asina mesmo, valoróse l’ascensu de la estrema drecha y recordóse como’l PSOE n’Asturies financia a Vox al permití-y formar grupu parllamentariu propiu na Xunta Xeneral forciando’l propiu reglamentu de la cámara.

Pero la parte más importante del aconceyamientu foi la rellacionada cola campaña de frente ampliu, que tres un analís de la situación quedó definía nos sos aspeutos principales, afitándolu dientru una dinámica participativa y abierta al conxuntu la sociedá asturiana, que permita avanzar nun procesu d’entendimientu y collaboración col conxuntu del asturianismu / soberanismu y en xeneral con toes aquelles presones que defendan la democracia n’Asturies, y un futuru de tresformación social, progresu y meyora de la calidá de vida de los asturianos y asturianes, talamente como quedó espeyao nel documentu de valoración de los resultaos elleutorales.

One thought on “Frente ampliu, analís y planificación

  1. Xuan de la Kanaļļa

    L’ enemigu nun tá na izquierda, ta en Vox ya n’el Partiu Podriu.

Deja un comentario

Tu dirección de correo electrónico no será publicada. Los campos obligatorios están marcados con *