Inicio > Asturies > Homenaxe a Andrés Solar
AsturiesCultura asturianaLlingua AsturianaPortada

Homenaxe a Andrés Solar

Como tolos años, Andecha Astur rendirá homenaxe a la figura d’Andrés Solar, y al so fondu compromisu de nacionaliegu asturianu

Escritor de reconocíu prestixu nel ámbetu lliterariu asturianu, a Andrés Solar suel tapecése-y lo que foi un fondu compromisu nacionaliegu que lu llevó a ser miembru fundaor del Ensame Nacionalista Astur, en cuyu programa participó activamente, presentándose por esi partíu como candidatu a la Xunta Xeneral.

Ye precisamente esa faceta suya, como presona, y como nacionaliegu, la que reivindica Andecha Astur nel homenaxe que se cellebrará’l prósimu 28 d’avientu, a les 13 hores nel Cimenteriu Deva -Xixón-, un homenaxe al autor d’esa poesía que tan bien espeya’l sentir y los enfotos del nacionalismu asturianu

 “Prúyemos un pueblu llibre/ que nome cola so voz / los sos collacios y el pan. / Prúyemos un pueblu llibre / y una Asturies dixebrá.

Andrés Solar foi en tou momentu un referente pola so implicación, capacidá de trabayu y cualidaes presonales, compañeru de militancia de munchos collacios d’Andecha Astur, y una referencia obligada pal conxuntu del nacionalismu asturianu.

Deja una respuesta

Tu dirección de correo electrónico no será publicada. Los campos obligatorios están marcados con *