Inicio > Asturies > La Fiscalía abre dilixencies al “Principado” a propuesta d’Andecha Astur
AsturiesPortada

La Fiscalía abre dilixencies al “Principado” a propuesta d’Andecha Astur

La Fiscalía Superior del “Principado” abre dilixencies a instancia d’Andecha Astur, pa investigar al “Principado” polos fechos recoyíos nel informe de la Sindicatura Cuentes

El pasáu mes de febreru Andecha Astur presentó énte la Fiscalía Xeneral una instancia pa que s’abrieren les dilixencies correspondientes que conduzan al esclarecimientu de los fechos denunciaos nel informe de la Sindicatura Cuentes, entamándose la oportuna investigación de los posibles delitos, y que, nel so casu, s’exerciten les aiciones oportunes contra toes aquelles autoridaes que, nel conteníu d’esta denuncia, pudieren ser responsables, por aición o omisión, de fechos con consecuencies en materia de responsabilidá civil o penal.

Venimos de recibir la rempuesta de la Fiscalía Superior, na que s’almite la nuesa solicitú ya infórmasenos del entamu de les dilixencies d’investigación “de si del informe de la Sindicatura Cuentes de 1019 dedúcense o non posibles delitos nel ámbetu de l’Alministración Pública Asturiana”.

La solicitú foi presentada de magar l’informe de la Sindicatura, órganu oficial dependiente de la Xunta Xeneral de Asturies, al que correspuende’l control esternu de l’actividá económico-financiero del seutor públicu asturianu.

Nel mesmu, recuéyense les dificultaes y torgues coles que s’atoparon mientres la realización de l’auditoría financiera previa al citáu informe de fiscalización, asina comu una llarga riestra d’incorreiciones, irregularidaes, incumplimientos y falta d’información qu’afeuten, pente otros, a concesión de sovenciones, contrataciones, desendolcu d’obres, usu de los fondos, contabilidá, cumplimientu d’oxetivos, procedimientos, etc…

 

Deja un comentario

Tu dirección de correo electrónico no será publicada. Los campos obligatorios están marcados con *