Inicio > Asturies > La OLAF almite la denuncia d’Andecha Astur a la UXT por corrución nos Cursos de Formación
AsturiesLlaboralXunión Europea

La OLAF almite la denuncia d’Andecha Astur a la UXT por corrución nos Cursos de Formación

La denuncia presentada por Andecha Astur énte la Oficina Europea escontra’l Fraude (OLAF) sigue asina’l so procesu, pendiente d’incoase una investigación.

Los fechos puestos en conocimientu de la OLAF recuéyense nos resultaos de la Comisión d’Investigación abierta pola Xunta Xeneral d’Asturies en 2017, y cuyu dictame nun foi convertíu en documentu oficial pol votu a la escontra de PSOE, PP, IU, Ciudadanos, que prefirieron seguir tapeciendo’l comportamientu de la UXT, por más qu’el dictame, afite la esistencia de “indicios ñidios d’un posible desvíu de fondos destinaos a la formación pal emplegu” , acusando a la UXT de tener n’Asturies un entramáu d’empreses pantalla y fondaciones que-y permitieron elevar la faturación y evitar los controles, prevocando un gran quebrantu a les arques públiques.

Esti informe denuncia la esistencia de práutiques fraudulentes y desvíu sistemáticu de fondos, apropiándose illegalmente de les sovenciones europees recibíes pa formación pal emplegu. La UCO  de la Guardia Civil estimó’l fraude en 1’35 millones d’euros ente los años 2010 y 2014. Pela so parte la Intervención Xeneral de l’Alministración del Estáu (IGAE) notificó al xulgáu que la UXT apropióse de más de 1’4 los millones d’euros y anuncia que la cifra final del fraude pue ser entá muncho mayor.

Agora, tres l’almisión de la denuncia presentada por Andecha Astur énte la OLAF, éntrase nuna fase na qu’esta oficina europea escontra’l fraude tien que valorar l’entamu d’un procesu d’investigación de los fechos denunciaos, y valorar, talo como pidi Andecha Astur, la suspensión cautelar de cualisquier sovención al sindicatu español UXT.

Deja un comentario

Tu dirección de correo electrónico no será publicada. Los campos obligatorios están marcados con *