Porque mos pidís participar na defensa l’idioma y la identidá asturianos
Hai un puñáu importante de presones y organizaciones que mos comunicaron el so interés en denunciar tamién ellos a la conceyala xixonesa de Vox, porque entienden, comu fizo Andecha Astur, que la Fiscalía debería investigala por supuestu delitu d’odiu por discriminación llingüística,cometíu cuandu anunció que nun quier contratar pa les fiestes a los artistes que s’espresen en llingua asturiana.
A la vista d’ello, nun tenemos dengún problema’n dar rempuesta a esi pidíu. Poro, dexamos equí un documentu abiertu, en formatu DOCX, que la xente enfotao puea descargar y enllenar colos sos datos presonales.Pue cumplimentase l’escritu’n nome propiu y comu representante d’una asociación. Llamentablemente, si se quier algamar la tramitación de la denuncia, l’escritu tien de presentase n’español, dao qu’esi ye’l nivel de represión llingüística que carecemos.
La Fiscalía Superior d’Asturies nun dispón entá de rexistru lletrónicu, polo qu’estes denuncies puen presentase formalmente de dos maneres:
1ª) Nel Rexistru la Fiscalía Superior, asitáu na Cai Concepción Arenal, 3-6ª, 33005 Uviéu.
2ª) Unviando l’escritu denuncia per corréu lletrónicu a la direición fiscalia.asturias@asturias.org
Si t’animes a presentar la to propia denuncia, agradeceríamoste que lo compartieses con nós, escribiéndomos a andechainfo@gmail.com . Comprometémosmos a nun facer públicu dengún datu presonal de los participantes, trátase sólo de poder cuantificar la rempuesta que se da a esta grave agresión identitaria. En tou casu, si t’animes a presentar la to propia denuncia, agradecemos el to puxu.
Per otru llau somos coscientes de que pue haber aspeutos non considraos na denuncia que venimos de presentar, polo qu’agradecemos que cualisquier ampliación o consideranza al respeutu mos lo indiquéis al corréu lletrónicu enriba indicáu.
Deberían estar ilegalizadospor exaltación al nazismo