Andecha Astur desixe una moratoria de cualisquier autorización d’actividá industrial armamentística en Naval Azul.
La instalación de la industria armamentística d’INDRA nel Tallerón ye incompatible col proyeutu de Naval Azul
Según la información fecha pública en diferentes medios, la planta del Tallerón, integrada dientro de los terrenos históricos del astilleru de Naval Gijón, pasa a formar parte d’un proyeutu industrial de producción d’armamentu, afirmándose dende l’ayuntamientu Xixón que “esta instalación va xenerar actividá económica y emplegu”; por embargu, nun s’especificaron nin valoraron les implicaciones sociales, étiques y urbanístiques de dicha actividá.
P’Andecha Astur, esto supón incumplir el compromisu públicu col que se presentó Naval Azul, que —según los documentos municipales— diba ser «un referente d’economía azul, investigación marina y recuperación del frente marítimu pa usu públicu».
Según define na so propia web l’Ayuntamientu Xixón, Naval Azul ye un proyeutu cuyu oxetivu ye aprovechar los recursos de la mar d’una forma sostenible y vinculada a sectores como la bioteunoloxía marina, les enerxíes renovables o la industria alimentario.
Afirma pretender la rexeneración industrial de la Zona Oeste con un ária d’altu valor, motor del desendoclu económicu y la creación d’emplegu de calidá. Un apueste del Ayuntaminetu Xixón pol equilibriu ente sostenibilidá y llegáu hestóricu de la ciudá lligada a la mar.
Les llinies de desendolcu de Naval Azul son, sobro’l papel la industria alimenario, les enerxíes sostenibles, la bioteunoloxía marina y la movilidá sostenible.
Pues bien, ná d’eso casa con una fábrica d’armamentu, por mui endolcada que venga nel celofán de la creación d’emplegu.
Ye un engañu. Ye colamos pela puerte tras la implantación d’una industria militar nel mesmu espaciu. Esto nun tien un res que ver cola nomada Enconomía Azul, y nunca foi anunciao nin debatío públicamente.
La modificación del proyeutu inicial y el so impautu social y éticu tien de sometese a debate públicu.
Nun val too cola escusa del emplegu”.
La producción militar nun ye una industria neutra, tien munches impolicaciones:
- Consume recursos públicos en detrimentu de servicios sociales
- Prioriza la inversión n’armamentu
- Conlleva un modelu económicu basáu nuna espiral belicista.
- Nun contestu bélicu, convierte a una zona residencial nun oxetivu militar
Esti modelu impuestu nun ye compatible col Xixón que queremos. Ello asina, desiximos información, participación y garantíes
Per ende, Andecha Astur considera indispensable:
- Accesu a la documentación completa de la operación urbanística ya industrial de la zona.
- Convocatoria d’un procesu participativu vecinal n’El Natahoyo.
- Aclarar si’l plan especial de Naval Azul ye compatible, tal como ta espublizáu, cola implantación d’industria de la guerra.
- Que l’Ayuntamientu informe de qué porcentaxe de suelu públicu ta destináu a industria militar.
- Una evaluación independiente d’impautu ambiental, social y éticu.
La ciudadanía xixonesa nun pue enterase pela prensa de que’l proyeutu cambió d’orientación.
Andecha Astur considera que Naval Azul tien de ser un proyeutu exemplar de transición y recuperación del frente marítimu nuna zona degradada y desdexada poles distintes corporaciones municipales.
Convertir parte del espaciu nun polu d’armamentu ye un cambéu de direición inaceutable y qu’en tou casu tien que ser debatíu y votáu, motivu pol que fasta que nun se produza desiximos una moratoria de cualisquier autorización d’actividá industrial armamentística en Naval Azul.
