Inicio > Asturies > Solidaridá colos compañeros de la CSI
AsturiesLlaboralPortada

Solidaridá colos compañeros de la CSI

Énte l’agresión sufría por un d’un compañeru de la CSI, trabayador de la EBHI, destacáu pol so compromisu pola llucha de los drechos llaborales nesa empresa, al que se-y quemó’l coche y fixeron pintaes menaciantes,  Andecha Astur unvió formalmente un comunicáu de solidaridá a la CSI al empar que conderga los fechos y desixe rempuestes énte esta agresión.

Ello asina desixe responsabilidaes a la Delegación del Gobiernu español n’Asturies, y pide una rempuesta social activa énte fechos como esti, convitando a la CSI a encabezar la rempues sindical, social y política que seya mester dar a esta agresión, poniéndose como organanización a dimposición de la CSI p’acompangalos na rempuesta que decidan dar a estos fechos.

A los compañeros de la CSI

La Xunta Executiva d’Andecha Astur, en nome tola muerganización, quier facer llegar a les compañeres y compañeros de la CSI les considerances que van darréu:

  1. Condergamos la quema’l coche d’un trabayaor y miembru’l Comité d’Empresa d’EBHI, militante la CSI, asina comu les pintaes menaciantes que se fexeron nel so llar.
  2. Interpretamos esta agresión comu un pasu ensin precedentes prósimos nos estremaos ámbetos de la llucha de clas nos que se defenden los trabayaores d’Asturies.
  3. Desiximos que la Delegación del Gobiernu español n’Asturies nun disimule na gueta los culpables d’esta agresión.
  4. Abúltamos necesaria una rempuesta social activa énte cualisquier fechu que, comu ésti, paeza frutu de táutiques propies del terrorismu empresarial o parapolicial.
  5. Creyemos necesario que seya toa Asturies la que dea la rempuesta necesaria a esta agresión ensin precedentes.
  6. Convitamos a la CSI a encabezar la rempuesta sindical, social y política que ye mester dar a esta agresión. Nesti sen, Andecha Astur ponse dafechamente a dimposición de la CSI p’acompangalos na rempuesta que decidan dar a estos fechos.
  7. Facemos un llamáu a tol movimientu social y asociativu asturianu pa participar na rempuesta que se dea a esta agresión a la clas obrera.

 

Asturies, 22 de payares de 2021.

 

Deja una respuesta

Tu dirección de correo electrónico no será publicada. Los campos obligatorios están marcados con *