Les aules son pa la paz y la conciencia crítica, non pal Exércitu español
Andecha Astur denuncia públicamente la cellebración d’un izáu de bandera con presencia del Exércitu español nel C.P. San Lázaro–Escueles Blanques d’Uviéu, previstu pa güei vienres 10 d’ochobre, y amuesa’l so total refugu a estitipud’actos militares y patrioteros españolistes dientro de centros d’enseñanza públicos asturianos.
Nun pue aceptase que les escueles, que tendríen de ser espacios de llibertá, pensamientu críticu y formación en valores de paz y convivencia, se conviertan n’escenarios d’adoctrinamientu militarista. La presencia d’uniformes, banderes y himnos d’unEstáu que ñega los drechos del pueblu asturianu ye una provocación y un intentu de reforzar una visión autoritaria y españolista de la educación.
Una estratexa política y simbólica del españolismu
Esti actu nun ye un fechu aislláu: forma parte d’una campaña institucional pa reforzar los símbolos del Estáu ya imponer el patrioterismu español nes nueves xeneraciones, mentantu se censuren y menosprecien los símbolos y la cultura d’Asturies.
Ye intolerable que’l Gobiernu del PSOE d’Asturies, con Adrián Barbón al frente, consienta y ampare esti tipu d’eventos, mentantu se presenta públicamente como defensor de los valores democráticos y progresistes. Les sos “bones pallabres” nun camuflen los xestos vacíos y la sumisión constante al poder central.
Andecha Astur reclama:
- La paralización inmediata del actu d’izáu de bandera y cualesquier actividá militar nes escueles d’Asturies.
- Que’lGobiernu asturianu prohíba la participación del Exércitu en centros educativos y garantice que la educación pública se base nel pacifismu, la llibertá de pensamientu y el respetu a los pueblos.
- Que se promuevan actividaes educatives que refuercen la identidá, la cultura y la historia d’Asturies, ensin sometimientu a símbolos nin doctrines españolistes.
Andecha Astur reafirma’l so compromisu con una escuela pública, universal, llaica, en asturianu, y lliberada del control del poder militar y estatal.
Les aules nun son cuarteles: son el futuru d’un país que quier decidir por sí mesmu.
¡Fuera’lExércitu de les escueles!
