Andecha Astur convoca a la militancia, simpatizantes y al conxuntu del pueblu asturianu a participar nel actu d’homenaxe a Andrés Solar Santurio, que va celebrase el sábadu 27 d’avientu, a les 12 hores, nel Cimenteriu de Deva.
Con esti actu, Andecha Astur quier recordar y reivindicar la figura de Andrés Solar Santurio, militante consecuente y comprometíu cola llucha pola llibertá, la xusticia social y los derechos nacionales d’Asturies. La so trayeutoria vital y política, xunto cola so producción poética, constitúin un exemplu de dignidá, coherencia y entrega al serviciu del país y de la cultura asturiana.
El so poema:
Prúyemos un Pueblu llibre / que nome cola so voz / los sos collacios y el pan.
Prúyemos un Pueblu Llibre / y una Asturies dixebrá
Son tuna referencia idiolóxica pal nacionalismu d’izquierda asturiana, un referente que resume tantu sentimientu como compromisu políticu
L’homenaxe quier ser un espaciu de memoria colleutiva, d’afirmación nacional y de reconocimientu a una figura que supo xunir militancia, pensamientu críticu y creación cultural, y que sigue siendo referencia pa les xeneraciones presentes y futures del movimientu asturianu.
Amás del actu presencial, faise un llamamientu a toles persones que quieran participar a que graven y compartan nes redes sociales vídeos recitando o lleendo dalgunos de los poemes d’Andrés Solar Santurio, contribuyendo asina a esparder la so pallabra y a caltener viva la so memoria dende una dimensión popular, abierta y participativa.
L’actu ye abiertu a tol públicu, y convida a participar tanto nel homenaxe presencial como nesta iniciativa colectiva nes redes, como xestu de recordanza, compromisu y continuidá cola llucha y la obra d’Andrés Solar Santurio.
