Bonos dies a toos y toes,
Güei tamos equi pa vindicar el Dii de la Nacion Asturiana y reclamar los drechos que nos son negaos comu pueblu trabayaor asturianu.
P’Andecha Astur el 8 setiembre ye el dii de la nuesa nación porque supón remembrar la primer espresión política conocía del nuesu pueblu como tal, ello ye, la nacencia del Reinu d´Asturies. Si bien ye ciertu que´l nuesu pueblu existe dende bastante mas p´atras na Hestoria, ye nel 711 cuando se creyen unes cadarmes de organización propies que lleguen a los nuesos díis altravies de testimonios escritos.
Pa nós el Díi la Nación podría ser otru, sobrenmos los referentes hestoricos, comu’l llevatamientu de 1808 , la revolución del 34, el conseyu soberanu de Asturies y Llión, etc etc. De fechu pa nós tolos diez tienen que ser el dii de la nación porque tolos diis del añu tenemos que revindicar y lluchar pola reconocencia de los nuesos drechos nacionales y sociales.
Andecha Astur ye la única organización política n´Asturies que entama un actu publicu reclamando esta fecha como’l Dii de la Nación Asturiana. El fechu de que esistan movimientos qu’entamen otros actos, nun quita pa que les organizaciones podamos seguir faciendo actos propios, dientru la nuesa dinámica, onde faigamos publiques les nueses revindicaciones particulares, y a la mesma vegá, poder participar n’actos xunitarios onde se revindiquen los drechos del nuesu Pueblu coles que tamos d´alcuerdu, pero, como nesti casu, que nun consideren el 8 setiembre comu Dii de la Nación Asturiana, o bien nun lo faen públicamente. El fechu de qu’hebia diferencies nun tien que dixebramos, sinon que tien que llevamos a ver precisamente la necesida de esos llugares comunes pal alcuentru y la lliberta de caún pa facer visible por sigo mesmu los sos plantegamientos propios, siempres dende’l respetu.
Agora sedrie’l turnu de falar de lo mal que-y va al Pueblu Trabayaor Asturianu, de la emigración forciada de la moceda, de les tases de paru que faen que la xente cole, de la contaminación ambiental que carecemos, del avieyamientu del nuesu pueblu y esi llargu etc de problemes que toos y toes sabemos. Tamién tocaria falar de los sos responsables, de Javier el mudu antiasturianu, del qu’allorio dempues de nomalu, de Tinin y el pinchu Tortiella, de Cascos, de Juancar el bonachon y Felipe’l so fiu, de Rajoy, de les mafies sindicales, de los pigarres de IU y otru llargu etc que toes y toos sabemos.
Pero creo que pa les organizaciones y presones ,que como Andecha astur, creyemos que la solución d’estos problemes pasa pola soberania y el socialismu, lo importante ye reflexonar de cómu podemos llevar a la mayoría del Pueblu Trabayaor Asturianu a les nueses posiciones politiques y reflexonar sobro la nuesa incapacidá, como movimientou nacionaliegu asturianu , tantu dende Andecha Astur como d´otres muerganizaciones individuales o xunitaries, de ser capaces de calar na sociedá que dicimos representar y que mos vean como una ferramienta al so serviciu, que seya capaz de tresformar esti país, comu digo dende la soberanía y el socialismu.
Dalgunes organizaciones que se nomaben nacionaliegues, asina comu presones individuales, decidieron apostar pola integración n’organizaciones y movimientos políticos madrilanos, que veníen como una gran folona que arrasaba con too, y que dicíen qu’apostaben pola democracia direuta y el respetu a los Pueblos, como mediu pa superar esa falta de acoyía del soberanismu ente’l pueblu trabayador asturianu. Güei vemos , y cuando digo güei ye güei mesmo , como convoquen un actu pol Día d’Asturies en Xixón, que lloñe de vindicar los drechos de la nuesa nación y el nuesu pueblu, simplemente ye una folixa folclórica que dexa al nuesu país neso, nuna espresion folklórica ensin dengun drechu nin componente identitariu. Les nueves organizaciones españoles faen lo mesmo que les vieyes , eso si, cola etiqueta de “alternativo”, a lo menos, demientres nun tean nel gobiernin.
Asina, pa eses organizaciones y persones, que venien den el nacionalismu, la participación en estos espacios supón , non solo que nun son capaces de facelos movese a posiciones soberanistes y de clas, sinon que supon la so asimilación dientru d´elles.
Pa nos el camin pasa por tornar de otra vuelta a organizamos nos conceyos del país y tener mayor presencia dientru los réplicas de relojes diferentes movimientos sociales . Esos son los pasos que tenemos que dar si queremos llegar al nuesu pueblu. O polo menos los que se mos ocurren.
Pero ello solo nun van. El trabayu nos conceyos, por bono que esti seya, nun sirve pa na ensin un proyeutu politicu de país que sirva pa recoyer esos esfuercios.
Y ye ehi, compañeros y compañeres, onde tenemos que esforciamos y ser xenerosos pa encadarmar un movimientu onde toos y toes mos sintamos minimamente comodos pa poder trabayar en comuña, pa poder trabayar en Andecha.
Si el presente ye murniu, el futuru será prietru.
Si el presente ye de llucha el futuru ye de nueso.
PUXA ASTURIES DIXEBRÁ
PUXA ASTURIES SOCIALISTA.
