Inicio > Asturies > Asturies tendrá voz propio en Madrid. ¡La d’Andecha Astur!
AsturiesPortada

Asturies tendrá voz propio en Madrid. ¡La d’Andecha Astur!

Nunes elleiciones nes que namás se presenta una candidatura asturiana frente a once sucursales españoles, quéda-y bien nidio a cualisquier asturianu o asturiana cuálu tien de ser el so votu.

Pero ye que, amás d’ello, la participación d’ANDECHA ASTUR na coalición AGORA REPÚBLIQUES con otres formaciones soberanistes -ERC, EH Bildu, BNG, Puyalón, Ahora Canarias- permítemos ufrir una alternativa política que proporcionará al Pueblu Asturianu’l mediu de tener voz propio en Madrid y cuntar con posibilidaes riales de condicionar de forma efeutiva la política a nivel del Reinu d’España, avanzando nel procesu de desmantelamientu de la monarquía española, afitando un procesu costituyente de Repúbliques, de drechos y llibertaes presonales y colleutives.

ANDECHA ASTUR ye la única opción rial d’izquierda asturiana. Les muyeres y los homes d’ANDECHA ASTUR queremos, comu tú, una Asturies llimpio de corrupción, llibre pa decidir y que seya’l país nel que podemos vivir toes y toos, los que tamos equí y tolos asturianos y asturianes que foron obligaos a emigrar. ANDECHA ASTUR trabaya pa qu’Asturies seya un país nes tos manes.
¡Vota ANDECHA ASTUR pa llogralo!

Deja una respuesta

Tu dirección de correo electrónico no será publicada. Los campos obligatorios están marcados con *