Andecha Astur convalidó énte la Xunta Elleutoral les papeletes al Congresu y al Senáu n’asturianu, siendo la única candidatura que podrá votase na nuesa llingua
La sentencia algamada por Andecha Astur énte’l Tribunal Costitucional español obliga a la Xunta Elleutoral a dar por válides les papeletes en llingua asturiana, pero nun garantiza ufrir a los votantes asturianos papeletes billingües asturianu/español, nuna espresión más de l’anormalidá democrática que se vive n’Asturies.
Esta anormalidá permitió que nes pasaes elleiciones nacionales y de conceyu, los apoderaos de los partíos mayoritarios -PP,PSOE- retiraren en conceyos como Xixón toles papeletes elleutorales d’Andecha Astur, énte’l silenciu cómpliz d’interventores y apoderaos d’esa izquierda sucursalista insolidaria que nun gutió nin cuandu se produxeron los incidentes, nin cuandu los apoderaos ya interventores d’Andecha Astur paralizaron les votaciones y punxeron les correspuendientes reclamaciones.
Una vuelta más, sabiendo a los que mos arriesgamos y por pura coherencia, Andecha Astur ufrirá a los asturianos y asturianes la posibilidá de votar na so llingua, precisamente a la única organización asturiana que se presenta a estes elleiciones.
Si quies les tos papeletes n’asturianu, ponte en contautu con nós.
andechainfo@gmail.com
@andechaastur
@andecha_astur
www.facebook.com/AndechaAstur
T. 677 331 623
One thought on “Votu asturianu, votu n’asturianu”